麒麟果（黃金火龍果）被譽為「排毒神器」，因其富含高纖維，一個麒麟果約提供每日所需纖維的五分之一，加上其黑色種籽能潤滑腸道，有效促進排便。麒麟果鉀質含量高，有助於去水腫，但對於減肥效果有限。患有長期肚瀉或腸易激綜合症的人應避免食用，且每日最多不應超過一個麒麟果，以免血糖升高及內臟脂肪形成。
話說星期日新店開張，好多朋友同Clients都好有心送左好好好好好多水果黎，遲D比番相大家睇，真係夠食一個月。。。最EYE CATCHING 就係有個CLIENT 送左「 一打」麒麟果比我，大家都知麒麟果係通便神器，佢咁有心送「 一打」麒麟果，我緊係要出下文講下佢啦～
#1麒麟果點解咁通便？
麒麟果其實有好高纖維，食晒一個基本上係一日 1/5 所需既纖維。。加埋佢好似火龍果咁，有好多黑色種籽，佢地好似WT40咁滑住你條腸，所以好多食完之後都即刻黎料。。
#2麒麟果減肥？去水腫就真
去水腫就OK，減肥就。。。麒麟果 鉀質好高，如果你係水腫型既朋友，食左麒麟果基本上大小便都會交替咁去，我有CLIENT 就係以為可以好似某明星咁，食麒麟果減肥，喪食6個之後，入左廁所出吾番黎。
#3個個都食得？
如果你有長期肚瀉或 腸易激綜合症就吾好試啦，因為肚瀉個時食大量纖維有機會加劇肚瀉個情況。，麒麟果每日最多食1個 （～2份水果），食太多真係會令血糖升高，令內臟脂肪有機會形成！
平時叫人食 1碗菜都講到牙血都出，而家明星一叫就食半打。。。
