下個月就係聖誕，今日教大家整一個小食係聖誕派對分享下！
今日分享係一個勁簡單嘅既非油炸點心麵，佢個味有啲似細細個成日食既點心麵，如果唔想用麵條嘅話，可以用米粉代替，都可以做到相同效果㗎！
材料1. 一束上海掛麵
2. 一湯匙蠔油
3. 一茶匙稀少糖
4. 半茶匙鹽
5. 芝麻粒
做法-上海掛麵用熱水煮開8分鐘，撈起備用。
-於一個大碗中，加入調味料拌勻。
-枱面鋪上一層保鮮紙，將適量掛麵放在中間，向中間捲起。
（務必壓實）
-將掛麵卷放入雪櫃雪藏1小時。
-移除保鮮紙，將掛麵卷切成片。
-焗爐或者氣炸鍋預熱180度。
-錫紙噴上少少油，將掛麵卷平均分布。
-表面再噴上少少油。
-氣炸或者烤焗15分鐘，反面再烤8分鐘。
-放涼後可以加入芝麻水或者蒜鹽調味。
營養資料：每粒35kcal
