😁近排經過果欄，一陣陣嘅芒果味🥭就知道，又到左芒果、榴槤嘅季節😆但係要小心，時令水果雖然好好食，但係糖分相對較高！
🕵🏻今日同大家講吓，常見嘅時令水果嘅糖分陷阱
😧過份攝取果糖或會引致以下健康問題：
1️⃣血糖升高🔺 ：時令水果都係一啲比較甜嘅水果，佢哋嘅升糖指數相對高，食太多，會引致血糖波幅上升。
2️⃣脂肪上升🔺：血糖波幅太大會令到胰島素上升嘅時間比較長，促進脂肪形成。
3️⃣腸胃不適🥵：過分攝取果糖會引致輕瀉或者胃脹，如果嚴重嘅話會有胃酸倒流🤢。
4️⃣誘發濕疹🦵🏻：高糖分食物會令到身體發炎，嚴重會加劇濕疹😵。
5️⃣降低免疫力：過分攝取糖分嘅話，會令到身體發炎，長時間嘅話會出現免疫疲勞嘅問題。
所以就算好鍾意食水果都好，都係一個起兩個止！
