【營養小知識】橙唔單止美容，仲可以幫你去水腫！

好多朋友都知道橙嘅維他命C含量好高，仲係好多小朋友最鍾意嘅水果之一！

除咗可以增強免疫力同美容之外，你知唔知道橙仲有好多隱藏好處，例如可以幫助去水腫呢？

今日就同大家分享下橙作為飯後水果嘅好處，其中一個好處仲同你之後食月餅有關㗎！

增強免疫力
橙入面有好多維他命C，對免疫系統好有幫助，幫你抵擋感冒同流感，仲有助傷口愈合同保持皮膚靚靚。

改善消化健康
橙有好多纖維，幫助消化同保持腸道暢通。如果你食完月餅覺得好飽滯，食橙可以幫助腸胃蠕動，加快消化，減輕嗰種滯感。而且，橙嘅酸性仲可以刺激胃液分泌，幫助消化。

心血管健康
橙入面有啲抗氧化物質，例如類黃酮同胡蘿蔔素，可以減低壞膽固醇，增加好膽固醇，對心臟好有益。

抗炎作用
橙嘅抗氧化物質有抗炎作用，可以幫助預防心臟病同糖尿病呢啲慢性病。

能量補給
橙可以即時補充能量，幫你改善食慾不振，係一個健康嘅零食選擇，減少食高糖高脂肪嘅嘢。

去水腫
橙有好多鉀，可以調節體內水分平衡，幫助排走多餘嘅鈉，減少水腫。佢入面嘅抗氧化劑仲可以減輕炎症，進一步減少水腫。

咩時間最好？

如果你想減肥、患有血糖問題或者其他代謝性疾病，最好喺 午餐後晚餐前進食，因為嗰時胰島素敏感程度最高，可以更好代謝果糖！

如果想知道自己食緊嘅餐單啱唔啱你自己嘅體質，可以搵我哋嘅體質營養諮詢服務，營養師會根據你嘅體質同埋目標，重新設計一個針對性嘅營養方案，令到你慳30%以上時間達到你嘅目標！

【10-day challenge : 營養師幫你解鎖消脂體質】

10-day challenge:
https://nutrition-point.com/fatburn/

案例分享 :
https://nutrition-point.com/casesharing/

自助預約系統：
https://nutrition-point.as.me/schedule.php

Whatsapp 預約：
https://api.whatsapp.com/send?phone=85268753663