雞蛋係日常飲食中常見嘅食材，亦被稱為「營養全能選手」，但有唔少人對佢嘅健康影響存疑。其實，雞蛋係咪對健康有害，仲要視乎你點樣食同食幾多。
雞蛋點樣影響健康？
1. 會否影響膽固醇？
– 雞蛋黃中含有較高嘅膽固醇（Cholesterol），每隻大約有186毫克。過去有研究認為高膽固醇攝入可能增加心血管疾病風險。然而，最新研究顯示，對大部分人而言，適量食雞蛋並唔會明顯影響血液中嘅膽固醇水平，因為人體會自動調節膽固醇合成。
2. 蛋白質點解咁特別？
– 雞蛋係高質量蛋白質（High-quality Protein）嘅來源，含有所有必需氨基酸（Essential Amino Acids），對維持肌肉質量、促進新陳代謝同支持免疫系統都有幫助。
3. 蛋白質以外，原來抗氧化劑和維生素都好高！
– 雞蛋中含有抗氧化劑如葉黃素（Lutein）和玉米黃質（Zeaxanthin），有助於保護眼睛健康，減少黃斑變性（Macular Degeneration）風險。此外，雞蛋仲含有維生素D，有助於鈣吸收同骨骼健康。
4. 蛋都可以減肥？
– 由於蛋白質含量高，食雞蛋可以增加飽腹感，有助於控制食慾，從而幫助體重管理。同時，早餐食雞蛋可以減少全天總熱量攝入。
食雞蛋嘅小貼士
– 適量攝取：大部分健康成年人每日可以食1-2隻雞蛋，而唔會影響膽固醇水平。但若你有高膽固醇或心血管疾病風險，最好同醫生或營養師傾下，了解適合你嘅攝取量。
– 多樣化食法：試下將雞蛋同其他健康食材結合，例如蔬菜、全穀類食物，令營養更全面。
– 注意烹調方法：避免用太多油煎炸，建議採用水煮、蒸或煎蛋白等方式，保持營養同健康。
如果最近你發現自己明明飲食冇大改變，但係膽固醇水平升高，可能係因為腸道微生態未必可以及時代謝膽汁，影響血液膽固醇濃度。喺呢種情況下，我哋嘅體質營養服務可以根據你嘅健康狀況，為你安排最適合嘅飲食計劃同補充劑，同你一齊管理膽固醇水平，幫助心血管健康！
Whatsapp 預約：
