唔講你唔知，原來好多超級食物佢哋嘅外表都係黃色，而且黃色嘅超級食物佢哋嘅抗炎能力比一般嘅超級食物仲要高。今日同大家介紹幾樣黃色嘅超級食物，佢哋嘅共通點就係消炎能力極強！
薑黃：
薑黃最主要嘅活性成份係薑黃素，佢係一種生物性多酚，具有獨特嘅抗炎性同埋抗氧化能力！薑黃素可以抑制多種嘅發炎因子形成，例如核因子κB (NF-κB)，另外佢可以調節身體嘅消炎功能，從而提升消炎能力。
菠蘿：
菠蘿最主要嘅成份係菠蘿蛋白酶，呢種酶可以幫助水解蛋白質，減少發炎因子嘅積聚。喺營養治療嘅時候，經常會用於減少肌肉疼痛或者腫痛。
粟米：
粟米含有豐富嘅膳食纖維同埋維生素B群，最主要係幫助腸道健康，佢哋可以增強腸道蠕動，促進益生菌生長，達到穩定免疫力嘅功能。
檸檬：
檸檬含有豐富維他命C，呢種強效抗氧化劑可以幫助皮膚同埋呼吸道系統抵禦氧化壓力。另外，檸檬酸可以幫助穩定身體電解質濃度，從而提供更加多嘅礦物質比我哋嘅免疫細胞運作。
南瓜：
南瓜含有豐富嘅Beta胡蘿蔔素，呢種成分會喺體內轉化為維生素A，支持呼吸道黏膜嘅抗氧化同埋抗菌功能。佢仲可以支持我哋嘅白血球細胞工作，令到佢哋更加有效咁樣去殺死病原體。
【10-day challenge : 營養師幫你解鎖消脂體質】
10-day challenge:Whatsapp 預約：
