近排大家睇新聞可能都發現有一隻朱古力被驗出有沙門氏菌,都知道大家都對病毒同埋細菌好敏感,所以好多朋友仔都有問我以下問題:
「係唔係食朱古力特別危險架,如果我食朱古力中咗沙門氏菌
嘅話,會唔會有大問題?!」
大家唔使驚,今日同大家介紹吓沙門氏菌,等大家可以預防!
沙門氏菌其實係存在係人類
同埋動物
嘅其中一種細菌,特別係豬隻
同埋家禽
嘅腸胃內臟入面,沙門氏菌感染嘅方法
可以係:
食未煮熟嘅肉類、肉類餡餅、香腸、火腿同埋煙肉都有機會受沙門氏菌感染
另外就係蛋同埋蛋製品
,所以有時會聽到話某啲蛋或者蛋製品,係唔適合孕婦
進食嘅原因就係因為佢哋有機會被沙門氏菌感染
沙門氏菌嘅潛伏期,通常係
進食後12至到36小時,初時會出現腸炎病徵例如噁心
、發燒
、肚痛
同埋腹瀉
,對於老人家
同埋幼兒
嘅影響會較大,但係唔使驚,其實好多時我哋身體,健康嘅話2-3日就會痊愈
大家又會問「嘩!我平時都食開以上嘅食物,點解冇咁容易會受沙門氏菌感染呢?」
因為好多時佢嘅傳染途徑,都係因為生食內臟或者未煮熟嘅食物
先會受到感染,如果我哋平時煮餸時間夠長嘅話
,其實就冇咁多擔心㗎啦!
其實只要跟着以下嘅方法去烹調,同選擇食物時小心就不需要擔心:
一定要煮熟任何嘅動物製品
孕婦、老年人同埋幼兒避免進食未經煮熟嘅蛋
盡量要食全熟蛋
生熟食物要分開處理同埋儲存
食物如果唔係即時食用嘅話,盡量儲存喺四度以下減低細菌繁殖速度