彩虹飲食法係一種營養治療入邊嘅整體調理方法，佢嘅主要概念係基於每種唔同顏色嘅水果同埋蔬菜都有獨特嘅營養頻譜，所以只要我哋跟住彩虹嘅顏色去喺每個星期加入唔同顏色嘅蔬果同埋食物，咁樣我哋就可以補足我哋嘅營養頻譜，防止隱性飢餓同為身體提供足夠營養修補！
今日同大家講吓每種顏色嘅水果特點：
– 紅色:
生物成份：番茄紅素和鞣花酸
功能：提升呼吸道免疫力
代表：番茄、草莓、西瓜
– 橙/黃色:
生物成份：β-胡蘿蔔素和維他命C
功能：提升皮膚彈性和水潤程度
生物成份：紅薯、橙、西柚
– 綠色:
生物成份：葉酸、硫代葡萄糖苷、硒
功能：提升代謝率
代表： 西蘭花、菠菜、奇異果
– 藍/紫色:
生物成份： 花青素和茄紅素
功能：提升身體抗氧化能力和消炎力
代表：藍莓、黑莓、茄子
– 白/棕色:
生物成份：大蒜素、麥角硫因和槲皮素
功能：集中排毒和消炎
代表：大蒜、蘑菇、洋蔥
彩虹飲食法有以下好處
1.全面抗氧化保護
因為佢嘅原理係基於進食更加廣泛嘅蔬果，所以我哋接觸嘅抗氧化劑嘅頻譜會多咗，所以可以全面保護我哋身體免受不同嘅自由基侵襲！
2.降低特定疾病形成
豐富嘅蔬菜同埋水果可以降低心臟病、糖尿病和特定癌症嘅發展（例如腸胃癌症）。
3.幫助改善體重
提升身體消炎能力和抗氧化能力可以幫助身體控制體重，另外彩虹飲食都係屬於一個高纖嘅餐單，所以會令到我哋更加快有飽肚感！
