【中秋消滯小貼士】食得開心又輕鬆！🥮🍵
中秋佳節，月餅當然唔少得！想食得應節又唔怕「飽飽滯滯」？Nutrition Point 為你準備咗幾個實用小貼士，等大家可以輕鬆享受美食！
-
👨👩👧👦分享是福，淺嚐更滋味 👨👩👧👦
一個傳統雙黃蓮蓉月餅熱量可高達800卡路里，等於3至4碗飯！最好嘅方法係將月餅切開，一家人齊齊分享。每人食1/8件淺嚐一下，既能感受節日氣氛，又唔會對腸胃造成太大負擔。記住，分享唔單止係分享美味，更係分享健康。
-
✅精明選擇，避重就輕 ✅
傳統月餅（如蓮蓉、五仁）嘅糖份同油份一般較高。如果想食得輕盈啲，可以考慮選擇熱量較低嘅冰皮月餅、乳酪月餅，或者市面上嘅低糖、代糖配方。購買前不妨留意一下營養標籤，做個精明嘅選擇！
-
🍵尋找最佳拍檔：清茶配鮮果 🍵🍍
食月餅時，避免配搭汽水或含糖飲品，以免「糖上加糖」。最好嘅配搭係一杯無糖清茶（如普洱、烏龍茶），茶葉中嘅單寧酸有助分解油膩感，減低飽滯。另外，配搭高纖維水果（如應節嘅沙田柚、蘋果）或含天然消化酵素嘅水果（如菠蘿、木瓜），可以增加飽足感，促進腸道蠕動，幫你更快消滯。
-
消化酵素做後援 💪
如果你嘅營養師有為你配置特定嘅消化酵素補充劑，就記得喺食完月餅或豐富大餐後，「嗱嗱臨」食一包啦！佢哋可以好似一個額外既胃咁，幫你嘅腸胃更有效率咁分解食物中嘅脂肪、澱粉同蛋白質，舒緩消化不良嘅感覺。
-
✨終極原則：淺嚐輒止！ ✨
最重要嘅心法就係「淺嚐為止」。中秋節嘅重點在於人月團圓，食物只係點綴。慢慢品嚐每一啖，享受食物本身嘅味道，俾身體足夠時間接收「飽」嘅訊號。咁樣就自然唔會食過量，可以過一個健康愉快嘅中秋節啦！
祝大家食得開心，中秋快樂！😊
