防疫限制放寬咗，好多朋友仔都開始出嚟跑返步
，有時佢哋都會問，究竟食啲乜嘢好
？因為怕做完運動之後食嘢會令體重上升
，所以就索性唔食嘢，但只要食得聰明嘅話
，其實你做完運動之後食咗一餐可以幫助到你recover 架!
長時間帶氧運動嘅能量
，都係由碳水化合物到黎，所以跑完步之後，其實係要適量補充消耗咗碳水化合物，用黎補充番肌肉
同埋肝臟入邊嘅肝醣，因為如果肝醣消耗殆盡嘅話，我地體力就會出現瓶頸位嘅問題，所以盡快補充失去嘅糖分嘅話，可以幫助我哋下一次跑步嘅時候更加容易進入狀態
。
所以跑完步之後最好補充番一啲容易吸收同埋消化嘅碳水化合物！
其次就係蛋白質
，雖然唔係肌肉訓練嘅運動，但係補充蛋白質都係好好重要㗎
我哋做完運動之後我哋嘅肌肉係會有撕裂同埋損傷嘅情況，足夠嘅蛋白質量，可以幫助我哋肌肉修補，預備下一次嘅訓練
至於運動飲料，要視乎你跑步嘅時間長度同埋習慣: 如果跑步係喺90分鐘以內嘅話
，其實普通水
已經可以足夠補充流失嘅水份，但係做嘅運動多個90分鐘以上嘅話，咁樣就要按情況底下選擇一啲含有電解質嘅運動飲料，例如寶礦力，去幫助身體補充流失嘅電解質防止肌肉，因為流失過多礦物質會引致出現抽筋、酸軟情況。
要注意盡量都
唔好揀一啲高糖同埋高咖啡因嘅運動飲料，因為有機會影響到胰島素和血糖平衡，令到我哋更加疲倦！
