又到流感高峰期嘅時候啦⋯除左注意保暖同帶好口罩，仲可以做咩好? 其實均衡飲食都好重要架!多食以下呢幾種超級食物超級食物可以增強抵抗力，有助對抗流感!
講起維他命C，大家最常諗到嘅一定係食多幾個橙!但係除咗橙之外，仲有冇其他生果都係有豐富 嘅維他命C，可以增強我哋嘅免疫力嘅呢?
黑加侖子 唔講唔知，原來黑加侖子嘅維他命C含量多過橙好多，甚至係每日建議攝取量嘅3倍。吸收多啲維他 命C對增強免疫力作用顯著
⻄柚汁
⻄柚嘅維他命C其實都多過橙架!不過要注意，如果有服用藥物嘅話進食⻄柚前，一定要諮詢醫生 嘅意見因為有啲藥物同⻄柚一同進食會引致中毒㗎!
球芽甘藍
雖然佢嘅外型好似迷你版嘅椰菜，但佢哋係十字花科蔬菜嘅一種。球衣甘藍嘅維他命C含量都係橙 嘅3倍，佢仲含大量纖維同埋葉酸添!當中仲有十字花科獨有嘅硫代葡萄糖苷，具抗癌嘅功效!
豬肉
咩話?豬肉都係超級食物?雖然豬肉係紅肉嘅一種，但係佢含豐富嘅鋅同硒，都對免疫系統有好 處!仲有啊，佢嘅維他命B含量稍比牛肉多，能促進新陳代謝。
乳酪
乳酪係發酵食物嘅一種，含豐富嘅益生菌。當中嘅嗜酸乳酸桿菌(L. acidophillus) 有助增強免疫系 統，預防流感
全麥意粉
全麥粉冇經過機器嘅切割，保留左最多嘅維他命B同鐵質。佢係複合碳水化合物嘅一種，膳食纖維 比普通意粉多。自己煮嘢食嘅時候不妨試吓改用全麥意粉，咁就唔經唔覺又食多咗一種超級食物 啦!
薯仔
大家千祈唔好睇小平平無奇嘅薯仔!佢嘅鉀質同埋纖維含量其實都好高。平時食薯仔大家都會第一 時間剝咗皮先，但係其實薯仔嘅皮先至係含有最多纖維嘅部份。亦都有好多人想煮出嚟嘅薯仔口感 比較好，預先將薯仔滲入水度，減少澱粉質。不過維他命C其實係水溶性嘅，所以煮之前先將薯仔 浸水其實會加劇維他命C嘅流失!下次大家煮薯仔之前就要多加注意啦!
超級食物係咪一定好貴好稀有嘅呢?其實，以上介紹嘅幾款超級食物都係一般超級市場同街市就 可以買到嘅!今次就講住咁多先~有興趣嘅就記得繼續留意我哋嘅Facebook page啦!
