C小姐係一個啱啱生完小朋友一年嘅新手媽咪，佢啱啱生完小朋友嘅時候就已經開始問我哋可唔可以幫佢做調理，因為佢由結婚前嘅53公斤，升到產後嘅接近70公斤，所以佢一生完就好心急想開始做調理！
但係我哋都叫佢停咗母乳先可以開始，C小姐好乖咁樣等小朋友一歲加埋停咗母乳之後佢先過嚟開始調理身體！
我哋首先要搵返佢嘅一個新體質，我哋發現佢體質比起未生之前係有改變，由B-I轉變成A-I形，即係本身由可以消化到牛肉變成以白肉為主既體質！
本身B-I 形消化能力比較強所以對食物嘅種類冇咁大限制，但係相反要控制澱粉質攝取嘅比例同埋時間，因為佢哋未必有足夠嘅維他命B群去維持碳水化合物代謝，而佢嘅新體質 A-I形消化能力比較弱，因為佢冇足夠嘅胃酸同埋酵素分泌，只可以接受到一啲比較容易消化嘅蛋白質，即係海鮮、魚同埋雞肉，但係對澱粉質嘅接受程度就較多！
所以C小姐跟番未生小朋友之前嘅飲食，結果完全係會弄巧反拙，所以係我哋未確認佢嘅體質之前，我哋都叫佢唔好嘗試自己跟餐單，叫佢跟翻而家嘅進食方法！
重新幫佢安排一個新嘅餐單嘅時候，佢都要啲時間適應重新戒口，因為之前要限制澱粉質個時間同埋比例仲有種類，而家相反要限制蛋白質嘅種類佢會有少少辛苦，所以餐單上面嘅安排都係叫佢跟四日餐單，有三日嘅時候可以同屋企人食得自由啲。
慢慢一步一步咁樣去稀釋佢而家做錯咗嘅嘢，慢慢重新搵返個體質之後，C小姐喺四個月就回復返結婚嘅時候嘅體重！
所以只要搵到啱嘅體質嘅話係唔需要擔心！
