近排成日有朋友轉寄一啲報道俾我，話每一日飲太多咖啡會老人癡呆、會變蠢、腎有問題同埋有心臟病，叫我唔好成日飲咁多咖啡啦xD
但係其實我一日最多都係飲兩杯咖啡，冇超標架！
咖啡因嘅攝取係一個好關鍵嘅因素，因為咖啡因攝取其實係有建議上限 ，美國同埋歐盟嘅建議都係400mg （大約為三至五杯咖啡)，但係大家都擔心會唔會唔同咖啡有唔同嘅咖啡因濃度呢？其實係會架！
☕️今日同大家總結一下，幾款常見嘅咖啡沖煮方法，等大家去到咖啡店，都識得揀邊啲係比較低咖啡因嘅咖啡啦😍！
✅減低咖啡因小貼士
1. 美式咖啡係比較低咖啡因既飲品
2. 除咗咖啡以外能量飲料入邊都有大量咖啡因，分分鐘一罐就已經超標，所以少飲為妙！
3. 茶入邊都有咖啡因架，所以千祈唔好茶當水啊！
4. 如果用掛耳咖啡包，唔好長時間將佢掛喺個杯到！
