【美國新飲食指引
】終於不再死計卡路里！原來「食真嘢」先係王道？
】終於不再死計卡路里！原來「食真嘢」先係王道？這幾日營養界最熱門的話題，一定係美國啱啱出爐嘅 2025-2030 飲食指引 (Dietary Guidelines)！對於一直關注開 Nutrition Point 嘅朋友，睇完可能會覺得好熟悉——因為裏面好多重點，正正就係我們平日成日同大家講嘅野！
今次最大嘅改變，係主流營養學終於承認：單純睇熱量數字係唔夠嘅，「食物質素」同「加工程度」先係關鍵。
Jim Lau 同大家拆解當中 3 個同你息息相關嘅重點：
第一次正式向「超加工食品」說不 
以前官方可能只會叫你「少食零食」，但今次指引好直接：將 「超加工食品」(Ultra-Processed Foods) 列為應該避免嘅類別。
點解？因為裏面嘅乳化劑、添加劑，雖然唔會令你即時唔舒服，但長期累積落嚟，好容易令身體出現「亞健康」狀態，例如飯後成日肚脹、皮膚反覆敏感、個人容易攰。
重點： 唔好只睇卡路里低就覺得健康，識得避開成分表上面嗰堆化學名，先係錫住個肚嘅表現。
蛋白質攝取量要 Upgrade 
新指引建議蛋白質攝取量大幅提升（約 1.2-1.6g/kg）！
之前蛋白質嘅指引只係維持基本身體工作，但係而家強調嘅係要維持一個高水平嘅身體工作效率！
好多香港人早餐食個包、午餐食碟粉麵，蛋白質其實長期唔夠。足夠嘅蛋白質係身體修復嘅原料，對於維持肌肉量、令精神飽滿好重要。
Jim Lau 溫馨提示： 加蛋白都要個肚受得住。如果你平日食少少肉就覺得滯，記得要循序漸進，或者留意下自己嘅消化能力跟唔跟得上。
為「脂肪」平反？牛油都食得？
這是最令人意外嘅一點！指引對飽和脂肪嘅態度軟化咗，甚至提到牛油 (Butter) 呢類天然脂肪。
其實脂肪唔係敵人，「假油」（精製加工油）先係。適量嘅天然優質脂肪，對於身體運作係必須嘅。
重點： 揀天然來源（如草飼牛油、魚油、牛油果），遠離加工植物油，這才是錫住微生態嘅食法。
Jim Lau 總結：這次美國新指引其實係一個好大嘅肯定——證明 「回歸原型食物 (Real Food)」、「關注微生態」 才是大勢所趨。
唔好再被數字框住自己，學識揀擇，食對身體真正有益嘅食物，你嘅身體自然會話你知分別！
【10-day challenge : 營養師幫你解鎖消脂體質】
10-day challenge:Whatsapp 預約：
