L小姐係一個長期糖尿病患者，佢嚟到見我哋嘅時候佢嘅血糖已經係空腹去到10以上，飽到血糖係去到高峰嘅26 ！ 其實佢有準時食藥都有嘗試控制過澱粉質，但係都冇乜太大幫助，七月尾八月頭嘅時候因為有啲身體問題入咗醫院，醫生都語重心長同佢講話真係要開始喺食物入邊或者運動去控制一下血糖，因為其實佢真係試咗好多唔同嘅營養方法，最後都係搵番我地幫手！ 我哋重新放佢解構返佢體質形成高血糖嘅成因，原來發現佢係其中一種嘅消化不良體質，再睇返佢平時食嘅食物發現大部份都係由小麥組成！ (早上麵包、中午油麵同晚上意粉，全部佢都以為係低升糖，所以食好多xD) 用微元素檢測後發現佢嘅體質叫做B2型消化不良體質，呢個體質比較傾向唔消化麩質，未消化完嘅蛋白質會令到身體出現慢性發炎，會影響到我哋嘅胰島素敏感程度，所以令到血糖較難去進入我哋嘅肌肉。 所以我哋重新再安排返佢進食嘅，以米飯為主，再將佢平時食開嘅零食由餅乾蛋糕，變返做米餅，之後佢有個問題就係咁樣唔會個血糖仲高咩？ 營養師係專業監察嘅情況底下安排嘅份量，就算去食俾人歸類左做高升糖既食物都未必會影響到整體血糖 三個月之後L小姐發現佢嘅胃酸倒流、胃脹同一時間都改善埋，佢血糖係咁多年第一次降到7！ 醫生問佢做咗啲咩點解好咗咁多，佢只係同醫生講話我都好難解釋俾你聽，總言之好咗啦😂

S小姐有好嚴重嘅濕疹特別係今年，因為今年嘅炎熱程度係不能想像，所以佢今年基本上皮膚都冇好過，年中嘅時候就已經過嚟搵我哋調理佢嘅濕疹！ 我哋重新幫佢搵返身體維他命嘅缺乏，從而推斷返佢身體有啲乜嘢嘅食物有機會佢係未必消化到，幫佢安排返食物組合減低因為食物未完全消化後產生嘅發炎！ 原來發現佢只係因為平時分泌胃酸唔夠，令到消化唔到貝殼類嘅蛋白質同埋牛肉，以上嘅食物就係佢平時食得最多嘅食物！ 戒咗口之後，我哋再重新在安排返一個消炎同時修補皮膚嘅餐單比佢，個消炎餐單除咗戒口之外，我哋會補充番足夠嘅澱粉質同埋優質嘅蛋白質，因為S小姐係之前為咗要控制佢嘅濕疹，基本上每一日都冇啖好食，就算佢戒咗口都好，佢都發現基本上佢啲皮膚冇可能修補到，所以我哋做嘅嘢就係喺戒口同時比到有足夠嘅營養俾佢，慢慢S小姐發現自己七日之後啲炎症退咗一大半，慢慢28日之後新嘅皮膚生番出嚟，冇再好似之前咁皮膚乾燥同埋脫皮嘅問題！ 所以只要搵到自己嘅體質，可以走少好多冤枉路！

M小姐嚟搵我哋係因為將會結婚同埋影結婚相，其實佢都有啲擔心就係因為搵我哋嘅時候得返2個月時間就要影結婚相，怕會唔會唔夠時間，但係營養師James同佢講話其實只要搵到自己啱嘅體質運動同埋飲食，可以慳返一倍以上嘅時間，所以佢都冇咁擔心。 James搵到佢嘅體質之後，發現佢嘅體質係其中一種消化不良體質（I-A)，即係佢對動物嘅蛋白質消化會比較差，但M小姐平時都係多肉少飯，依個飲食嘅狀況反而令好多食物都消化唔到，引致有肚脹嘅情況直接影響體型，所以喺調理嘅時候我哋都要幫佢安排一個嘅半素嘅飲食，即係以魚同埋豆腐為主要嘅蛋白質來源， 以上嘅蛋白質相對比較容易吸收同埋消化，可以減低食物殘渣喺腸胃發酵嘅機會率！ 但係對於佢來講嘅心理負擔會比較大，因為始終之前唔食澱粉質都冇減到體重，而家營養師叫佢食飯澱粉質嘅話，佢擔心會功虧一簣！ 體質飲食好多時都唔係我哋要食少啲嘢或者小油鹽糖，相反係需要食返啱自己體質嘅蛋白質同埋做啱嘅運動從而令到身體感覺到原來之前根本上唔使儲存咁多脂肪。 M小姐一個月左右其實都已經搵返自己想要嘅體型！

"效果顯著，媽媽話瘦左，但面色好好，啲同事都話我面尖左"

“無估到咁快見效！ 推介！”

L小姐係一個普通文員，係年頭嘅時候去咗做左人生第一次嘅身體檢查，收到報告之後即刻晴天霹靂，因為咁多年來佢都冇病冇痛食得瞓得。竟然膽固醇超標仲要係去到危險嘅數字即係7.5 ，醫生叫佢食膽固醇藥，但係佢話想用飲食調節睇吓改唔改善到，醫生都同佢講話最多都係比三個月嘅時間俾佢。 佢同事聽到呢個情況都叫佢過嚟搵我哋，睇吓有冇啲乜嘢幫到。 佢一嚟到我見阿Jim嘅時候，我哋標準流程都係會引導病人講番飲食習慣，其實都發現原來佢每一日只係需要食一餐正餐其他時間都可以唔使食嘢，但係依家個情況底下係不利降低膽固醇，因為食餐數越小，膽汁分泌越小，膽固醇就越嚟越難喺膽汁中排走！ 所以我哋搵返佢嘅體質之後發現原來佢係A2型嘅體質，即係越高纖嘅食物佢係越難消化仲會加重腸胃負擔，所以一般降膽固醇嘅指引，對於佢依個體質來講未必太幫到手，反而會令到佢食得更加小野令到膽汁更加難分泌！ 所以我哋改變佢嘅進食變成一個星期四日魚素，盡量加速蛋白質消化，令到佢可以食多一至兩餐，促進膽汁分泌，另外就係要喺佢每一餐嗰度都加油一啲油脂，因為佢黎之前嘗試試過全部嘢清蒸白烚，反而身體個人好虛弱，其實適量嘅有份可以幫助膽汁分泌，可以促進膽固醇消除。 佢好乖女咁樣跟咗五個月，五個月之後返到去驗血，竟然膽固醇變返4.6 ！