當你見到代餐廣告有不唔同口味及優惠時，有衝動想買幾包試食嗎？等陣先！你知道代餐由咩材料製成？你真係需要食代餐嗎？ 代餐嘅成分 代餐一般為粉狀或奶昔狀等流質食物。一份代餐大概提供150-400卡路里嘅能量，以代餐取代部分或全部正餐嘅食物，有助達至熱量赤字，達減重嘅效果。 代餐成分主要有植物性蛋白、膳食纖維等，部分產品會加入蒟蒻粉來增加飽腹感，亦會加入蔬菜粉和穀物粉令產品成分更健康。雖然有啲代餐會額外添加維他命或礦物質以滿足每天身體所需，但只進食代餐食物而冇進食蔬果類，會忽略天然抗氧化劑及植化素嘅攝取。為左增加代餐嘅風味，製造時會或會使用添加劑如人造色素、人造香料、代糖、增味劑等。 所以購買前要先閱讀成分表及營養標籤。 長期靠代餐減脂可以嗎？ 以代餐長期代替正餐減重，有機會產生較強烈的生理飢餓，但因為代餐十分飽肚所以用家並不會察覺。 係長時間生理飢餓下身體會降低基礎代謝率來減少熱量消耗，並開始分解肌肉來釋放能量，所以有機會造成肌肉流失。若果暫停進食代餐，變回正常飲食嘅食量，會容易攝取過多熱量而令身體將過剩嘅熱量儲存為脂肪，造成反彈。 你適合食代餐嗎？ 有需要嘅話，建議每天最多代一餐，例如外食自助餐前可以以代餐取替一餐正餐。 要注意以下人士不適合太以代餐代替正餐或需要問咗專業人士意見先： -糖尿病人 -正在哺乳嘅女性 -肝或腎功能不佳者 -癌症患者

上個星期大家係唔係發現我有整小丸子呢，但係其實傳統嘅小丸子熱量同糖分都相對比較高，今次用咗板豆腐可以取代傳統嘅麵粉，可以做到麵粉嘅黏度仲可以減低糖分同可以提升蛋白質含量，如果大家屋企冇章魚燒模具嘅話，可以加入日式拉麵將佢變成大阪燒xD 材料 – 一磚板豆腐 – 兩隻蛋 – 半個椰菜 – 半碗冬菇粒/紅蘿蔔粒 – 半碗章魚粒 – 兩茶匙麻油 – 少許鹽同胡椒 – 木魚碎、紫菜碎作為裝飾 做法 1. 板豆腐用料理機打成漿糊狀 2. 椰菜切絲咩用 3. 平底鑊加熱炒香冬菇 4. 用熱水輕輕灼熟章魚粒 5. 把豆腐漿、冬菇、椰菜絲、調味料混合加入兩隻蛋攪拌成為糊狀 6. 如果太稀可以加入一湯匙粟粉 7. 預熱章魚燒模具 8. 可以開始烹調章魚燒 （如果第一次烹調章魚燒建議可以喺YouTube度搵到相關教學，學一次就識㗎啦） 9.最後加入木魚碎同埋紫菜碎作為裝飾 10. 可以用Donki買到既章魚燒汁配搭小丸子

西蘭花和椰菜花都係十字花科蔬菜，十字花科蔬菜含有比較高抗氧化劑同埋抗癌成分，即使兩者都同為超級食物，但係其實佢哋嘅營養活性成分譜系其實大大不同 西蘭花比較含有豐富嘅胡蘿蔔素、維他命K、維他命E、鐵質同埋鉀質，主要佢可以做到更加好嘅脂溶性嘅抗氧化同埋可以幫助我哋去水腫 椰菜花嘅抗癌物質係比較多種類，例如佢含有蘿蔔硫素和異硫氰酸脂可以幫助抑制癌細胞生長另外佢入邊有好豐富嘅蛋白質、維他命B群同埋膽鹼，可以幫助身體製造神經必須材料維持大腦發育、加強記憶力

K 小姐係一個有長期消化不良嘅朋友仔，呢個問題困擾咗佢接近20年！ 由小朋友出世之後，基本上每一日飲完水或者食完嘢都會有胃氣，每次都要好大聲咁樣放出嚟先舒服，但係有時，喺朋友面前‘噯氣’ 非常尷尬！ K小姐患上嘅疾病係功能性胃炎，呢一個胃炎係講緊上消化道嘅器官未必可以好似正常人咁消化食物，令到食物喺上消化道消化嘅時間長咗，引致胃酸倒流、餐後好容易飽肚同經常有飽嗝。 除咗個胃唔舒服之外，長時間底下消化不良，有機會影響到佢吸收維他命B 12同鐵質 ，長時間嘅話會引致佢開始有睡眠質素下降嘅問題，呢個情況底下都困擾佢既精神。 我哋處理嘅方法就係首先用微元素檢測睇一睇佢究竟有乜嘢嘅碳水化合物或者蛋白質阻礙佢嘅消化，原來發現羊肉同牛肉嘅蛋白質同埋發酵性澱粉都會令到佢出現消化不良嘅情況，我哋就針對咁要移除咗佢消化唔到嘅食物！ 之後呢段時間我哋再針對性俾返蘆薈汁同埋雙歧益生菌佢去幫上消化道消炎，令到消化道可以有足夠時間修補 一個月之後，K小姐同我講話根本上佢呢一個月都冇出過噯氣，同埋可以一教訓天光，另外最開心嘅係平時佢返工嘅制服全部都已經鬆晒，食完嘢之後個胃腩無再出現！

上回提及各種茶葉營養，今次想分享一下近幾年越來越多人認識草本茶(Herbal Tea)。雖然名字裡有「茶」，但其實裡面不含茶葉成分，一般係由草本植物乾花、葉子、莖部或種子製成 1.麥茶 由大麥磨粉製成 具利尿、消暑作用 含鉀質，有助去水腫 含小麥麩質，對小麥敏感人士不宜飲用 除非連同茶渣飲用，否則難以攝取大麥膳食纖維及維他命 2.洛神花茶 含抗氧化物花青素，預防自由基損害細胞及減低患上慢性疾病風險 含鐵質，幫助身體製造紅血球及穩定血壓 血壓低及月經期間避免飲用 4.洋甘菊茶 Camomile Tea 以洋甘菊花乾製成 含抗氧化劑芹菜素(apigenin)，有安神及改善睡眠作用 有助舒緩女性經痛 5.南非國寶/博士茶 以南非一種獨特豆科灌木製成 不含咖啡因，泡久也唔會有苦澀味 含金聖草素(chrysoeriol)，能預防血管硬化引致心血管疾病 降低壓力荷爾蒙「皮質醇」水平，舒緩神經緊張，有鎮靜作用 含大量超氧化物歧化酶 (superoxide dismutase)，係人體內產生最強作用抗氧化劑。 特別推介：康普茶 -以任何一種茶葉加上水、糖、與紅茶菌發酵而成，過程中會產生二氧化碳，所以喝下去有氣泡感 發酵過程有利益生菌（乳酸菌）生長，係攝取益生菌好來源 含兒茶素及其他茶多酚類物質，具抗氧化能力 含乙酸及茶多酚，抑制體內不良酵母菌生長 在動物實驗裡發現紅茶菌能降低壞膽固醇水平及減低患上心血管疾病風險

近排天氣好熱，大家都唔係咁想煮飯，有啲朋友仔就索性煮一餐分開幾次食，但係通常第三日既隔夜餸菜都會變壞！ 今日教大家一個簡易蔬菜湯代餐，只需要預備一煲蔬菜湯，然後將佢地裝入獨立嘅容器或者密實袋，然後放入冰箱，想食嘅時後再攞返出嚟加熱解凍，就可以做到一個健康又方便嘅蔬菜湯代餐！ 材料 1/2薯仔 1條 紅蘿蔔 1 條西芹 2 蕃茄 1/2 洋蔥 300mL 低鈉蔬菜清湯 400mL 清水 2湯匙番茄膏 少許鹽 少許黑胡椒 做法 1將材料切粒 2平底鑊炒香洋蔥然後加入其他材料炒到軟身 3轉到湯煲中加入蔬菜清湯、清水大火煮滾 4然後轉為中火加熱30分鐘 5加入蕃茄膏和鹽調味 6如果屋企有手提攪拌器嘅話可以將蔬菜湯打成糊狀 7蔬菜湯放涼後用密實袋裝起，放入冰格雪藏 8每次使用時只需要將冰磚取出重新加熱 以上蔬菜湯只需要配一份澱粉質就係一個好好嘅午餐或者晚餐 （注意冷藏蔬菜湯雖然可以保存比較長嘅時間，但係都建議盡快食用同埋要喺個袋嘅表面寫返幾時放入雪櫃，大概可以保存兩個星期）

開始係梨既季節，好多人近排喺街市嘅時候，都會發現原來梨都有好多種，今日講下兩種常見嘅梨功能上面嘅分別等大家揀嘅時候可以就住自己嘅身體需要選擇 啤梨 – 硬性纖維相對較高可以幫助通便 – 一般抗氧化劑較高，可以幫助提升免疫力 – 相對難消化，所以會提高飽肚感 雪梨 – 水份較高，可以用來補充水份 – 鉀含量較高-，相對糖分較低，適合運動後補充水份和糖分使用 – 相對容易消化，適合飯後食用

S先生係一個長期高血糖嘅朋友， 10年內佢嘅血糖都完全控制唔到，佢試過做運動同埋食好少嘢，加埋藥物都好，佢既血糖早上都係喺8.5至11 所以 S先生依 十年都好頭痕，跟本個血糖用盡方法都控制吾到！近呢一年接近開始放棄自己，唔再理個血糖啦 。但係有一次去身體檢查嘅時候，醫生同佢講話如果再吾好好控制個血糖嘅話，對心血管係機大壓力！最後係太太陪同下黎左見我地營養治療師，我哋重新再幫佢分析佢而家嘅狀況，原來發現佢高血糖有一大部份嘅成因係同佢平時長時間唔飲水加上佢嘅工作需要出好多汗，間接令到佢身體長時間都係喺接近脫水嘅狀態，所以佢d 血會好濃影響血糖量度，我哋方案就係將佢 一日 飲開既水份以鹼性水或梳打水取代，令佢身體開始慢慢補充番水份令到血無咁濃！ 10日左右佢就發現自己血糖回復正常，仲有少少低血糖情況！ 所以只要針對咁原因就可以無痛改善血糖

幾乎所有嘅預先包裝食物都含有食物添加劑。究竟添加劑有邊啲種類，食多會產生健康風險嗎？ 想知道食物裏有哪種添加劑，可以查看包裝背面嘅成分表，全部「E」字開頭嘅就係添加劑嘅簡稱。以下兩類為較常見嘅種類： 防腐劑 一啲新鮮烘焙食品或肉類都會加入防腐劑以抑制細菌及霉菌生長，防止食物變壞。 E250:亞硝酸鈉 😵‍通常添加在肉類，令肉類保持鮮嫩嘅粉紅色。但當亞硝酸鈉進入胃部，胃酸會令它轉化為致癌物 亞硝酸鈉含量高嘅加工醃製食品，例如腸仔、火腿等已被世界衛生組織（WHO）列為一級致癌物 應該盡量避免選購含有不同防腐劑嘅食品 色素 E120：胭脂蟲紅 由胭脂蟲製成 或有機會引起兒童過敏反應如皮膚紅腫、氣喘 E110:日落黃 為最常見嘅人造色素之一 多添加在果汁、糖果或果乾內 過量使用亦有機會引致噁吐、尋麻疹等過敏反應 兒童較常進食果汁糖、有顏色嘅朱古力豆、汽水等，家長應留意他們進食嘅分量，避免過量攝取色素添加劑 小貼士： 成分表裏嘅原料標示是根據各成份含量嘅多少排序，所以次序越後嘅原料，代表它嘅含量越小 建議選購添加劑出現在成份表較後嘅食物

W先生係一個游水教練，喺疫情上半年基本上都冇落過水，條士啤呔隨之然膨脹左唔少，當佢開可以再落返水嘅時候，就發現原來自己個體重不期然係疫情下 接近kg。 跟住佢就試吓跑下步同埋做吓gym，都發現個磅居高不下，經親戚介紹過嚟見我哋嘅營養師，營養師重新再同佢分析佢個體質，原來發現佢嘅體質係B1型體質，即係佢身體如果要配合做運動嘅話，必須喺運動當日有充足嘅碳水化合物，但係佢為咗想快啲拎到成效，佢嘗試大幅度限制澱粉質，最後得不償失！ 因為B型身體如果冇碳水化合物嘅時候，身體會強制使用蛋白質組能量，所以解釋到佢點解一開始嚟嘅時候話佢唔食澱粉質都可以游到水仲要好有力 。 佢嘅in body體格分析發現佢肌肉量係少於佢特定嘅體重指標接近10%以上，所以我哋重新再幫佢安排能量攝取嘅時間同埋蛋白質攝取嘅時間，經過左兩個月嘅努力，佢縮細左20% 佢自己都感覺好神奇，每一個禮拜佢啲學生都見到佢縮左水！所以只要搵返適合自己嘅體質飲食，就可以重啟身體燃脂基因