原來平時我哋食開嘅片裝芝士，其實係屬於加工芝士一種，佢嘅做法係將傳統芝士再進一步加工，當中加入一啲色素、增稠劑、防腐劑同調味劑，佢令到佢有唔同嘅質地同埋風味！
因為佢嘅製造過程同埋天然芝士完全唔同，所以佢哋嘅營養成分都好唔同，今日就同大家講吓佢哋嘅營養分別啦！
天然芝士營養價值較高因為加工芝士當中只係得一半係屬於傳統芝士，所以入邊嘅營養成分例如鈣質、蛋白質同埋一般嘅維他命都比傳統芝士為之少，另外喺加工嘅時間因為牽涉熱量參與，所以好多嘅益生菌同埋水溶性維他命都會流失，所以傳統芝士嘅營養價值比一般加工芝士高！
天然芝士益生菌較高
天然芝士含有豐富嘅乳酸桿菌，但係加工芝士喺製造過程底下因為牽涉大量嘅程序，所以好多嘅益生菌都已經被破壞！
天然芝士保存期較低
天然芝士因為冇加入任何防腐劑，所以佢嘅生產後既保存期只較短，但係加工芝士，因為有加入防腐劑，所以佢嘅保存期限可以接近一年！
食物添加劑和偏頭痛
天然芝士比較少有其他添加劑，但係加工芝士入邊可能會有調味劑、色素同埋增稠劑，如果你有偏頭痛嘅話，唔太建議食加工芝士，因為芝士佢本身酪胺酸比較高，容易誘導出現頭痛，加埋加工芝士入邊嘅如果有增味劑或者其他色素，有機會進一步引致頭痛！
就算邊一隻芝士都好，佢哋都係奶製品味，每一日大概三份就已經夠晒數啦！
