中秋過後好多人發現自己腸胃有啲問題，好多朋友仔都知道可以用乳酪改善腸道健康！ 坊間有好多唔同類型嘅乳酪，最多人熟悉嘅就係希臘乳酪但係前幾日有個朋友同我講話佢買嗰隻乳酪叫做希臘式乳酪問我究竟係唔係同一樣嘢嚟架？ 其實佢哋兩個並唔係同一種嘅乳酪！今日同大家比較一下 希臘乳酪主要成分為牛奶和益生菌，佢當中製造時候多咗一個步驟就係過濾，作用係隔走乳清蛋白同埋過多水份令到口感更加綿密！另外佢要嘅牛奶比普通乳酪多四倍，所以蛋白質含量會比較高架。最重要係喺過濾嘅過程底下大部份嘅糖分俾人移除咗，所以糖分自然比一般乳酪少。 希臘式乳酪又係咩嚟㗎？ 佢係加入咗增稠劑、蛋白粉或者其他食物添加劑，去模仿希臘乳酪嘅營養成分同埋口感，但係一般嘅希臘式乳酪糖分、脂肪同埋蛋白質含量同一般乳酪分別不大！ 所以大家買乳酪嘅時候要睇清楚個食物名字！

[oh no! 我又重左兩公斤！] 對很多人而言，「體重」這個謎一般的數字代表著你是肥還是瘦。一上磅見到…又重了！馬上進行減肥大計：斷食、不吃早餐…然而，體重上升不一定代表你是長脂肪了！   😲構成體重的4大要素： 5. 水分 6. 骨骼 7. 肌肉 8. 脂肪 💧水分 佔體重的60%，每日攝取的水份和身體的排水能力都與體重息息相關！所以通常都會建議早上空腹磅重會有更準確的數字。   🦴骨骼 佔體重的7-15%，男性骨骼較大，所以佔據體重的比例較女性高。成人男性和女性的骨骼重量會維持直到老年   💪🏻肌肉 肌肉比例受飲食和運動量而有極大影響，要注意30歲以後，每10年肌肉量會下降3%~5%。攝取過少蛋白質亦會加快肌肉流失😩   脂肪 正常男性的脂肪率應介乎14-23%，而女性則介乎17%-27%。女性一般脂肪率會比男性高，主要因為身體需要足夠脂肪預備月經和懷孕。   💁🏻‍♀️大餐過後第二天磅重，發現重了2公斤？身體需要大約10小時才能把食物消化，再把廢物排出，有些人甚至需要約一整天的時間！所以體重上升有機會是昨天大餐的食物未完全消化引致，不需過分擔心😋🤭而且，重口味的食物鈉含量較高，會令身體儲存更多水分來稀釋血液裡的鈉含量，減慢身體排水能力，都會引致體重上升！   💁🏻‍♀️體重是個難以觸摸的數字 ✅ 體重在24小時內可以浮動1-2公斤，當中以水份為最影響體重增加或減少的關鍵！ ✅ 體重只是其中一個量度身體狀況的指標，並不能完全代表身體是進行增肌、減脂或增脂的模式。   😲家用體脂磅可以量度身體脂肪和水份量嗎？   體脂磅是透過脂肪和非脂肪組織對電流有不同阻力的原理，將微弱的電流通過身體，藉此測量脂肪率、水份量和骨頭重量等數據。不過，家用體脂磅的準確度有限，相比專業級醫療用途的體脂磅，仍有一定誤差。所以除了參考體脂磅的數據外，身形、體圍、體重變化等數據也對我們來說有很大參考價值！

每個月總有幾日身體唔舒服，但除咗吃止痛藥之外，仲有咩方法舒緩不適症狀？ 以下經前綜合症(PMS)嘅徵狀，你又中咗幾多點？ 生理上：頭痛、腰背痛、噁心水腫、食慾轉變如嗜甜、暗瘡爆發 心理上：緊張、焦慮、沮喪、容易情緒起伏大 點解會有以上不適症狀？ 女性雌激素及荷爾蒙黃體素嘅比例會在經期前改變，通常經期前嘅不適會喺月經後慢慢消失。有近6-7成嘅女士都有經前症候群！ 你需要嘅營養補充： 富含omega-3嘅食物 例如：深海魚類、橄欖油、牛油果及果仁，有助穩定血糖，避免情緒起伏大。它亦能舒緩前列腺素引起嘅子宮痙攣及發炎反應，減少出現經痛、頭痛情況 維他命B群 舒緩經期前緊張、焦躁情緒及緩解頭痛不適 低GI、含豐富抗氧化物嘅碳水化合物 例如蕃薯、南瓜、燕麥、小米、糙米、紫米 -含豐富纖維和抗氧化物，可減慢血糖升幅 鈣質和鎂質 減輕經期肌肉痙攣和疼痛，鎂質亦幫助鈣質吸收 1 take過消除不適 -調整飲食 經期前多攝取不同食物種類嘅微量元素和抗氧化物，為預防PMS做好準備！ -作息定時 可減少缺乏睡眠帶來嘅神經緊張和肌肉繃緊 -簡單嘅有氧運動 有研究指出經期前進行適量嘅帶氧運動，可以提高快樂荷爾蒙安多酚嘅濃度，有助減少PMS症狀

相信大家都已經訂好哂月餅啦！隨著疫情放緩，今年中秋節終於可以一家人齊齊整整食飯想食月餅但又唔想爆卡？立刻save低以下4個食月餅小tips 以月餅取締部分正餐嘅碳水化合物 月餅主要嘅成分都係澱粉質和脂肪，所以食正餐時可以減少飯量同多食蔬菜或適量豆類去增加纖維攝取。煮正餐時都應儘量減少落油，多選擇蒸/焗/輕炒等較低油嘅煮食方式 餐後分享月餅 因為食過正餐後已經有飽足感，飯後先食月餅可以相對減少進食份量。若正餐有豐富纖維量，仲可以減少脂肪攝取！ 少食多滋味 除左關注月餅嘅卡路里含量外，仲要注意月餅一般都較高糖，例如一個冰皮月餅嘅糖量已經接近每日建議攝取上限嘅一半！進食月餅時同親友分享，每次進食1/2個迷你月餅或1/4個傳統月餅都係個既可以過月餅癮亦唔會食過量嘅好方法！ 食月餅配茶可以消膩，但唔能夠去油消脂！ 飲茶雖然能去除油膩感，不過月餅裡嘅脂肪一樣會被身體消化和吸收，若果飲茶過量仲會減慢消化，容易引致胃脹同消化不良 同場加映：營養師話俾你知邊款月餅較低卡，適合食用！ https://www.facebook.com/jimthedietitian/photos/a.357711494856610/1076320806329005/

好多人買豆類嘅時候，都有時會聽過營養師話有d豆類好高澱粉質㗎，但係又會聽到就豆類其實都好高蛋白質喎又有時佢可以當蔬菜，究竟佢係咩嚟嘅呢？ 今日同大家講吓其實原來我哋平時食開嘅豆既營養大不同！

S 小姐係一個生左小朋友嘅30歲女仔，佢第一次嚟見我嘅時候，佢話佢好記得佢人生未試過超過50kg，但係就唔知點解生完之後個體重不跌反升！ 之後我地重新幫佢量度體質，發現原來佢嘅體質係生完小朋友之後有少少改變左，就係由A1-型變左A2-型！ A2型除咗蛋白質入邊要以植物同埋魚為主之外，其實仲要額外補充鐵質嘅補充劑或者食物，因為A2型身體鐵質比一般人少，會影響身體代謝！ 所以S小姐就算做幾多運動都好，佢都發現都冇以前嗰種感覺「即係食多啲做吓運動就瘦返」。所以我哋重新調配一張半素餐單即係有兩日時間係會食返紅肉，其他大部份時間都係以魚同埋豆類蛋白質為主，最後就係佢發現除咗瘦到快到所有人都問佢發生咩事之外，就係佢發現身體體溫高返同埋講野都大聲d! 其實好多嘅媽咪都發現生完小朋友之後體重會好似通脹咁「每年加啲，每年加啲」仲要係停唔到，有機會都係體質有些少嘅改變引致！ 所以我哋本身處理嘅懷孕案例，我哋都同佢講停左餵母乳之後，都盡快返嚟複診睇一睇自己個體質有冇改變，咁樣嘅話就可以防止停止餵母乳之後嘅復肥！

又到中秋，發現原來我係未教過大家整月餅！ 今晚教大家整一個低卡嘅乳酪月餅，每個只有150kCal 等大家可以食得開心又放心 材料（8個50克月餅) 1 個芒果 100克 低脂希臘乳酪（不要買到Greek style yogurt) 50毫升低脂牛奶 5克魚膠粉 15 克蜜糖 150 克冰皮月餅粉 150克熱水 15 克熟糕粉 少許固體菜油 50克月餅模具 做法 1. 預備餡料 -先將芒果切粒 -加入料理機中打成成糊狀備用 將魚膠粉加入牛奶中攪拌 在一個小鍋中加入希臘乳酪、蜜糖同埋牛奶以小火加熱 -放涼後加入芒果蓉，用半圓形模具裝起芒果溶液 -冷藏45分鐘備用 2. 製作冰皮 -按冰皮月餅預拌粉指示加入熱水 -攪拌直至無顆粒狀態 -轉移到枱上搓麵團直至光滑 3. 包月餅 -將麵團分成25克一份 -將乳酪餡點由雪櫃取出 麵團壓扁大概手心大小 -將2個芒果蓉球放入冰皮中心包裹 封口位用力壓實 -慢慢搓成圓形 月餅模同月餅球輕輕沾上熟糕粉 月餅球放入月餅模輕輕壓實 -雪藏一晚，進食前放入雪櫃下格解凍兩小時

一年容易又中秋 每年中秋都有很多不同款式的月餅，今次俾大家參考一下你最鍾意食嘅味道熱量大約係幾多（熱量以每100克計算） 唔想食月餅超標熱量嘅話，記住以下少少貼士 1.最好一家人分一個月餅，大家食少少 2.傳統月餅熱量比較高，如果可以揀都盡量避免 3.食月餅是配合水果同埋清茶可以提升油脂消化，減低飽滯度 傳統月餅 雙黃白蓮蓉月餅 435kcal 伍仁月餅 410kcal 奶黃月餅 400kcal 冰皮月餅 榴蓮 240kcal 芒果 245kcal 楊枝甘露 234kcal 朱古力 276kcal 無花果燕麥月餅 438kcal 果仁紫薯月餅 432kcal 雪糕月餅 ～285kcal

上年整咗一個麻婆豆腐係要用到素豬肉，今日教大家整一個唔使素肉都整到嘅麻婆豆腐，其實用杏鮑菇都可以模仿免治豬肉嘅質地 材料 3 條杏鮑菇 1 磚硬豆腐 適量麻婆豆腐醬 做法 杏鮑菇洗乾淨後，料理機打碎 豆腐切成正方形粒裝 平底鑊加熱把杏鮑菇加入炒香 加入一湯匙麻婆豆腐醬繼續炒香 加入豆腐粒、兩湯匙麻婆豆腐醬和半杯水 慢慢攪拌，直到醬汁收水 完成

S 小姐係一個工作狂，係home office 加上疫情，令到佢突然OT同工作量大左好多，對住文件 既時間都越來越多，不知不覺佢嘅體重都由最輕嘅55 公斤，升至68公斤，當佢有一日發現屋企嘅衫褲竟然唔啱着嘅時候，佢先知道要開始需要減肥，最後經朋友介紹嚟咗見我哋，搵咗佢體質之後，發現佢係A型嘅體質，即係唔可以用計卡路里嘅方法去減脂肪，原因係因為佢嘅身體唔係太識得使用碳水化合物，所以我哋要安排佢嘅碳水化合物係係中午嘅時間進食，令身體有足夠時間使用，第二步就係要安排運動，因為A型嘅朋友仔，運動佔咗佢成個計劃90%，所以我哋安排左啲喺屋企可以做到嘅運動，佢每一日沖涼之前做30分鐘左右，就足夠比身體使用脂肪！ 好多人問，點解可以做30分鐘可以燃燒到脂肪，因為其實我哋嘅餐單控制到佢五點之前係用晒碳水化合物，五點之後身體其實已經選擇使用脂肪，所以佢晚上做運動嗰時，就算做1分鐘運動都好，身體都係會選擇用脂肪做能量，如果用計卡路里嘅方法去減肥嘅話，因為有大部份時間都係用緊碳水化合物，所以晚上做運動嗰時，你要差多30分鐘嘅時間去燃燒碳水化合物，所以我哋用咗餐單嘅鋪排去令到做好短時間嘅運動就可以燃燒脂肪，慳番時間！ 佢同JIM 講依兩個月係食緊正常野下瘦(KFC,打邊爐,飲酒,放題)，連老細都擔心佢有事xD 體質飲食就係正常飲食下重新分配能量，吾係節食，吾洗白烚架～