「湯」 湯水是中國飲食文化，特別在廣東飲食文化中是不可或缺的一環。 廣東人喜愛用湯水來調節身體的不適，飲食無湯不歡，不少家庭都喜歡三餸一湯，經歷數千年飲食文化轉變，廣東湯水已經發展到五花法門，除了是餐桌上的一味餸菜，同時有養生功效，並且發展到一年四季有不同的食療湯水，其中很多都體現了治未病及養生思想。 「湯的智慧」 湯水中的營養源自於材料中的水溶性營養，例如當中氨基酸、礦物質、油脂、多肽、維他命B群、多糖，以上成份大部份都是源於蛋白質食材，例如瘦肉。至於蔬菜類的材料中的碳水化合物都會在烹調時溶解於湯水中，使得湯水中的碳水化合物含量上升，為我們提供額外能量。 除此之外，它有補充蛋白質作用，如果人體在生病過程中不給能量和營養供應，則身體蛋白質分解過多，此時補充足夠蛋白質類液體是最好不過！ 有時我們會飲用一些含有藥材的湯水，在煲湯時，藥材中的水溶性成分會經過熱力提取到湯水中，可以幫助身體提供一個額外渠道去吸收藥材中的活性成分，例如蟲草中的活性成分——多糖體和腺苷，有幫助改善呼吸道免疫力和失眠之用，小朋友未必喜歡藥材味道，但是蟲草煲瘦肉湯，他們不會抗拒，所以湯水提供一個額外的途徑為我們把藥材融入食物中，藥材入膳，餐餐養生。但是對於一般健康香港人，湯水並非是主要和唯一攝取營養的途徑，而多似是飲食文化的一部份！ 大多普遍是身體極度虛弱的病人、消化比較差的老人和手術後的病患者需要通過湯水去補充少量氨基酸和維他命B群，攝入足夠的營養物質，滿足熱量、蛋白質以及多種微量營養素的要求，用湯水汲取營養，提升體力，所以湯水補充基礎營養是十分重要的一環！但是對於正常消化健康的香港人，這個不是一個最好的方法。 如果它不能為我們補充足夠營養，很多人好奇冬天為什麼要喝湯？ 1、和補充蛋白質和提高機體免疫力 冬季是一年中最寒冷的季節，萬物處於封藏狀態，是一年中最適合飲食調理與進補的時期。冬天吃肉喝熱湯，不僅可以幫助人體補充蛋白質，還可以溫補陽氣。肉湯里的營養成分，有被溶解的氨基酸、鹽分、水分。但如果需要補充營養，就要吃肉，因為大部分氨基酸、蛋白質存在於肉裡面。冬季進補還能提高人體的免疫功能，湯中含有大量能提高人體抵抗力、增強免疫力的營養物質，對疾病預防能起到非常好的作用。 2、為身體提供足夠維他命B群和氨基酸 人體將食入的最主要營養物質（比如碳水化合物、脂肪和蛋白質）轉化為能量的過程必需有B族維生素參與，膽固醇和氨基酸的代謝也離不開B族維生素。同時B族維生素還參與人體新細胞的形成、激素、神經遞質和抗體的合成。當維他命B群和氨基酸進入身體後，會為肌肉提供足夠營養素去做產生熱量代謝。一般消化食物需要時間大概為兩小時，所以在進食到完全消化食物中間身體會出現營養短暫透支情況（即是身體需要額外有肌肉和器官中提取維他命B群去幫助身體消化食物），你可否曾經感受到就是吃完飯之後身體手腳比之前更加冰冷？這個就是營養透支情況，因為身體使用了我們基本的營養素去幫助身體消化食物，所以身體缺少一部分營養素去為核心肌群產生熱量，而湯水正為我們快速提供營養素，為身體各肌肉提供必要營養素產生熱量，避免透支情況出現。 3、為呼吸道提供水溶性活性成分 湯水中含有含有B族維生素和鉀等礦物質，如果平時大家沒有進食補充劑習慣，湯水是一個不錯的途徑！足夠鉀質和維他命B群，可以幫助上呼吸道免疫力對抗呼吸道疾病。 飲湯時的注意事項： 1、痛風患者和三高患者不宜飲湯 含有肉類的湯，嘌呤含量較高，嘌呤經身體代謝後會到血液中去，導致尿酸含量上升，如果身體攝取的水份太少，會形成尿酸石從而引起痛風。另外湯中的鈉質、油份和糖分都會比較高，因此這類人群應盡量避免飲用。 2、小心中藥材湯水 有時大家在坊間會購買到一些藥材湯，但是如果本身是進食大量西藥或者本身已經有食中藥的話必須先問醫生專業意見，因為很多藥材都會加重肝腎功能負擔，過分進食會得不償失！ 3、一碗起，兩碗止 很多家庭都會飯前一碗湯和飯後一碗湯，其實這對身體負荷比較大，因為湯水會稀釋胃酸，令到我們消化變得慢，如果本身有胃酸倒流、小腸細菌增生或消化不良問題的朋友會導致情況更加嚴重！因此最佳飲湯，時間是飯前30分鐘或飯後1小時，保持一碗起兩碗止。 下面為大家介紹兩種湯水，讓大家在冬天和春天是可以保暖和提升免疫力： -南瓜雪耳草蟲花素湯 材料： 中式葫蘆形南瓜 1個 雪耳 2-3個 無花果乾 5粒 清水 1煲 蟲草花 1兩 鹽 小許 步驟： 1) 蟲草花浸洗備用 2）把南瓜去囊、去皮及切件切粒，並將雪耳洗淨後浸泡2小時，然後分成小塊。無花果乾洗淨對切。 3）將南瓜和清水煲滾20分鐘，之後放入蟲草花、雪耳和無花果乾，再轉小火煲45分鐘至1小時，加入小許鹽調味。 營養小知識：蟲草花中的活性成份蟲草素可以幫助提升呼吸道免疫力，或可以幫助改善鼻敏感症狀和消炎作用。 ————— -海底椰粟米紅蘿蔔瘦肉湯 材料： 海底椰 1 兩 粟米 2 條 紅蘿蔔 2 條 瘦肉 1 件 蜜棗 3 個 做法： 1. 瘦肉洗淨煮熟備用 2. 海底椰、蜜棗浸泡備用 3. 紅蘿蔔、粟米洗淨切塊 4. 水滾後放入所有材料，煲滾後大火煲約 15 分鐘，之後轉小火煲 1 小時，最後加少許鹽調味即可 營養小知識：海底椰有豐富維他命B群和維他命E可以幫助改善呼吸道免疫力和呼吸道黏膜濕潤程度，預防上呼吸道感染。

雞蛋是日常攝取蛋白質的來源之一，近日美國、日本、台灣雞蛋供應緊張，蛋價上升，除了吃雞蛋，日常可吃什麼補充蛋白質？註冊營養師Jim Lau接受明報電子平台組訪問，提供相當於進食一隻雞蛋所含蛋白質的替代品，如硬豆腐1/4杯（25克）、1/2杯乳酪、熟藜麥3/4杯、花生醬1.5湯匙。各人可按照體重、運動量多少來計算每日所需的蛋白質，以一個體重50公斤、活動量低的人，每日所需蛋白質約40克（體重 x 0.8克）。 ⬤蛋白質攝取不足，對身體有何影響？ 蛋白質參與身體代謝，特別是肌肉和免疫力代謝，若蛋白質長期低於所需下限（每公斤體重約需0.8克），身體會出現肌肉無力、免疫力下降、水腫、脫髮、指甲變軟、胃口下降、傷口難以癒合、疲倦等。 ⬤哪些人容易攝取蛋白質不足？ 素食者（不吃雞蛋的素食者）、正減肥服用特殊餐單的人、有腸胃問題（如腸易激綜合症、胃潰瘍）、有吞嚥困難的長者，這些群組較需要注意有否攝取足夠蛋白質。Jim補充，香港人較少出現缺乏蛋白質，一般正常吃足三餐，兩餐均吃到一份手掌大小的肉類，基本上毋須太擔心。 雞蛋替代品：（下列食物的蛋白質含量相當於進食一隻雞蛋） 1隻雞蛋 = 約6-7克蛋白質 硬豆腐  1/4杯（約25克） 熟鷹嘴豆 1/2杯 熟藜麥   3/4杯 熟天貝  1/4杯 豆漿  1杯 乳酪  1/2杯 低脂牛奶  200毫升 花生醬  1.5湯匙 奇亞籽  1湯匙 營養酵母  2湯匙 熟瘦肉    半兩（約半個拳頭大小） ⬤動物性蛋白質、植物食蛋白質建議攝取比例？ Jim Lau補充，若要取代雞蛋，一般較少建議以肉類代替，可以進食不同的植物性蛋白質。至於攝取動物性蛋白質與植物性蛋白質的建議比例為6:4，若攝取過量動物性蛋白質，身體飽和脂肪酸會過多；若攝取植物性蛋白質為主，可能會導致身體能量不足。 數據參考：USDA National Nutrient Database for Standard Reference 網站連結：link.mingpao.com/78313.htm    

又到情人節，大家會唔會去食牛排呢？ 煎牛排時散發既誘人香氣，原來背後隱藏著一個複雜的化學反應！今日同大家分享一個食物化學反應 梅納反應 ，就係佢令到食物變得色香味俱全！ 梅納反應的三個簡單小知識 能夠促進梅納反應的條件： 糖分/澱粉質+蛋白質+高溫+乾燥= 焦糖褐色化合物 類黑素：令混合物變成褐色 芳香化合物：產生鹹香、肉香、堅果和奶油糖的香氣 梅納反應的成品： 焦糖化的洋蔥 經烘焙的咖啡豆 巧克力 表面焦脆的香煎肉類 什麼烹煮方法會更容易產生梅納反應？ -水分較少的烹調方式：烤、乾煎或油炸 -蒸煮、炆、燉等水分較多的烹調方式較難產生梅納反應 烹煮前先把鍋子燒熱，把鍋子和食材的水份印乾，都會較容易令食材產生烘烤香氣 美味的味道背後都要付出代價 高溫底下產生的棕褐色化合物雖然香氣撲鼻，但是部分為致癌的突變性物質，而且高溫烹調蛋白質都會產生多環芳香胺化合物，亦是致癌物質之一。 日常飲食多以清蒸、水燙或快炒方式烹調食物，外出聚會時才間中吃燒烤或油炸食物

紫菜同埋昆布都係日式料理常見嘅食材，雖然佢哋個樣差唔多，雖然佢哋都屬於海洋類嘅藻類，但係因為佢哋嘅生長環境不同，令到營養嘅成份係分別㗎！ 昆布係普遍係喺比較深嘅海水入邊成長，所以佢哋嘅碘含量相對較高，另外佢嘅礦物質含量例如鈣質同鐵質都比較高！ 普通嘅紫菜係喺淺層嘅海洋生活，所以佢可以接觸更加多嘅紫外線去製造beta 胡蘿蔔素！ 紫菜昆布有咩好？ 兩種都係海洋入邊嘅超級食物，有豐富嘅抗氧化劑（例如黃酮體），可以幫助我哋維持三血管健康。另外佢哋嘅纖維含量都相對比較高，可以幫助我哋腸道蠕動！ 另外，佢含有豐富嘅植物性維他命，例如葉酸同埋維他命B6！ 但係要注意兩種都係屬於比較高碘質嘅食物，如果本身有甲狀腺問題或者關注甲狀腺健康嘅朋友仔，要按自己需求進食！

升糖指數，大家聽得多但係大家又知唔知係乜嘢嚟呢？佢係講緊普遍碳水化合物食物對血糖影響快慢嘅能力，數值越大，即係代表進食後會更加快影響我哋嘅血糖，佢嘅參照食物係100克嘅葡萄糖影響血糖嘅能力，食物高於 70GI 就係屬於高升糖食物，即係更加容易去影響血糖，所以要避免進食！ 低GI普遍係屬於高纖、高蛋白或低葡萄糖食物，例如橙、紅米同豆類，呢啲比較適合喺日常飲食入邊出現！ 長時間進食高升糖食物對身體影響： – 高升糖食物會令到血糖波幅較大，容易出現飯後疲倦問題。 – 會影響血糖控制，導致高血糖問題 – 長時間接觸會影響心血管健康 – 體重上升 – 令到腸胃細菌失調 今日揀咗三種常見既高升糖行食物，等大家食飯嘅時候可以避忌下！ 另外以下係我哋常見既低升糖食物 1. 燕麥 2.豆腐 3.全麥麵包 4.糙米 5.紅薯 6. 大多數水果 7.豆類 8. 非澱粉類蔬菜 9.牛奶 10.乳酪 11.蘑菇

近十年素食變得普遍，好多研究都發現素食可以幫助到唔同嘅身體狀況例如可以改善體重、高血壓、糖尿病同埋可以預防特定嘅癌症，身邊都好多朋友仔開始選擇食素！ 但係長時間移除動物製品，會令到身體出現營養失衡問題，特別會好容易攝取不足嘅維他命B 12、鐵質、鈣質、維他命D同埋奧米茄三脂肪酸，如果單靠食物嘅話，可能未必可以足夠支持到我哋所需！ 呢個情況底下營養補充劑我變得更加重要，今日同大家講幾種常見嘅素食者需要嘅補充劑 維他命B 12 維他命B 12係主要由動物或者動物製品嘢來，所以基本上係比較難由植物製品取得，維他命B 12主要係幫助我哋身體製造新嘅血細胞同埋維持神經系統功能，長時間缺乏嘅話會引致貧血、失憶、手腳冰冷、麻痹、抑鬱同埋失眠！ 所以依個情況底下，適當補充維他命B 12係唔錯嘅選擇，但係要記住盡量可能搵維他命B群，因為所有維他命B其實都會互相聯繫同埋作用，另外維他命B 12同埋其他維他命B一齊嘅話會比較容易吸收！ 鐵質 因為植物嘅鐵質係屬於非血基質鐵，吸收率只係動物嘅鐵質嘅10份1，加上植物入邊有好多嘅元素會阻止鐵質吸收例如植酸，所以適當補充鐵質可以防止身體出現缺鐵性貧血啊、疲倦、失憶同埋失眠問題！ 奧米茄三脂肪酸 奧米茄三脂肪酸雖然可以喺植物度取得，但係始終素食者攝取油分比較低，所以建議喺補充劑入邊補充足夠嘅奧米茄三脂肪酸，去平衡身體既奧米茄六脂肪酸，去幫助身體消炎嘅作用同埋防止皮膚變得乾燥。 鈣質 植物鈣質嘅生物活性比較低，較難被身體吸收，另外素食者會移除大部份嘅動物製品包括奶類製品，都會減低攝取鈣質機會！ Nutrition Point 有為素食者提供營養 諮詢服務，如果啱啱開始左素食嘅朋友想知道自己身體營養狀況，營養師會幫量度現時營養頻譜，再提供補充劑同埋飲食建議！

痱滋喺香港都算係一個常見嘅口腔狀況，特別係轉天氣、唔夠瞓同壓力大嘅時候，好多香港人都發現自己會口腔會開始出現痱滋！ 有時啲痱滋會好大粒，同埋令到進食時出現痛楚，搞到大家咩都唔想食。 原來只要避開發炎食物，同埋食返多具消炎能力嘅食物，其實都可以加快口腔黏膜修補，改善痱滋！ 今日同大家一張圖，總結有啲乜嘢痱滋食物嘅Yes同No！ 痱滋形成原因 身體抵抗力下降、情緒壓力、缺乏維他命B 12、藥物影響同埋正在接受化療患者都會出現痱滋嘅問題，當然食物都係一個間接因素！ 如果食物入邊長時間缺乏維他命B群、鐵質同埋葉酸都會加重患上痱滋嘅機會，一啲食物如果佢入邊含有太多飽和脂肪酸亦都會令到身體發炎，都會間接加劇痱滋！ 曾經我哋中心有一個嘅朋友仔，佢一年接近300日都有唔同程度嘅痱滋，令到佢對食物極度抗拒，之後營養師再一次幫佢睇吓食物入邊有冇啲乜嘢令到佢不斷發炎或者唔夠某啲營養令到佢口腔黏膜修補。 最後發現原來佢由疫情開始有好長時間，臨瞓之前會食一個橙，因為橙有好多嘅酸性物質，反而原來係依個情況，酸性物質令到佢嘅口腔黏膜好唔到！ 我哋再重新幫佢安排一個消炎同埋溫和飲食，即係以消炎食物作為基本，再喺食物上邊嘅質感作出改變，即係有白飯改為綿飯，另外以魚肉作為主要蛋白質！ 慢慢佢見到痱滋有明顯改善，所以我哋針對性營養嘅情況只係需要改變好少嘅飲食配搭，就可以慢慢改善特定問題！

  食水果可以幫我哋補充維他命C個個都知，仲可以幫助到我哋皮膚變靚啲！ 你又知唔知原來有啲嘅水果係屬於極高抗氧化水果，即係除咗維他命C以外仲有好多嘅活性抗氧化劑幫助清除皮膚嘅自由基！ 點樣分辨高抗氧化水果？大家要認識一個抗氧化數值ORAC 氧自由基吸收能力（ORAC）係一種實驗室分析法，為食物抗氧化活性提供綜合指標。 ORAC的分數越高，食物既抗氧化能力就越大。 所以大家有時食補充劑嘅時候，會見到ORAC 依個指標，你就知道佢係屬於抗氧化類嘅補充劑！ 大家見到藍莓個ORAC 數值咁高，就知道佢係好嘢嚟啦，因為入邊有好多嘅生物性多酚同白藜蘆醇可以大幅度降低身體入邊嘅自由基！ 高抗氧化水果仲有咩好處？ 除咗皮膚好啲之外，仲有以下幫助 -維持心血管健康 -維持血糖穩定 -降低特定癌症風險 -提升睡眠質素

材料： 雞胸肉125克 米紙5片 粟米半杯 紫洋蔥1/4 個 麻油少許 胡椒少許 食鹽少許 做法 1.雞肉切丁，加入醃料備用 2.洋蔥切粒 3.平底鑊加預熱並且加入牛油果油 4.炒香洋蔥之後加入雞肉和粟米 5.雞肉全熟後備用 6.米紙用少量水浸濕 7.把雞肉粟米粒放在米子中，慢慢包裹。 8.在米子卷表面塗上蛋液 8.煎香米紙卷 9.完成

前排小編行超級市場個陣發現多左好多本港牌子嘅Vegan Ice-cream 素食雪糕，究竟佢地係咪比普通雪糕更低熱量、低脂？ 一齊睇睇當中嘅成分！ 唔用牛奶、忌廉、雞蛋，咁用咩材料代替呢？ 素食雪糕一般會用植物奶，例如燕麥奶、杏仁奶、腰果奶、大豆蛋白等來取替奶類製品，脂肪含量相對會較使用全脂奶、忌廉的雪糕低 點樣維持雪糕黏稠嘅質感？ 部分素食雪糕會加入食品添加劑如黃原膠或者瓜爾豆膠，增加雪糕的黏性和穩定雪糕的結構。依兩種都係常用嘅食物增黏劑。 熱量+脂肪高定低要睇呢個成分： 某些牌子會用椰奶/椰漿取替乳製品，佢地嘅飽和脂肪含量較其他植物奶高，令到脂肪比例會更高，亦會增加雪糕嘅熱量，所以購買前一定要先睇成分表！ 乳糖不耐症人士嘅福音 患有乳糖不耐症嘅人，進食含奶類製品嘅雪糕後，通常會出現肚瀉等症狀而素食雪糕不含牛奶、忌廉等成分，為乳糖不耐症人士帶來新嘅選擇！