市售的岩鹽價格比餐桌鹽高好幾倍，而包裝上的標籤如「喜馬拉雅山玫瑰鹽」、「純淨無添加」、「不經化學處理」、「含豐富礦物質」等字眼又會否令大家覺得粉紅岩鹽比海鹽或餐桌鹽更健康呢？ 真相一：岩鹽的不同顏色是來自…？ 常見的岩鹽有粉紅色、淺藍色、甚至夾雜黑色或深灰色物質，其實是來自各種金屬礦物質。 真相二：無加工=好？ 無加工的岩鹽不經提煉和蒸餾，有機會保留了泥沙、雜質、或重金屬，例如水銀、鉛、砷(即砒霜)，長期食用有機會引致中毒或致癌！ 消委會於2021年有關食鹽的測試報告中，發現多款岩鹽的金屬污染物含量超標，亦有部分海鹽含微塑膠成分，為海洋污染引致，所以並非無加工的鹽就健康！ 真相三：岩鹽中的礦物質含量不足為提！ 每100克岩鹽裡的礦物質含量只是人體每天所需攝取量的1/10，而世界衛生組織建議成人每天鈉上限攝取量為2000毫克，只有約一茶匙鹽，所以透過進食鹽來攝取礦物質不是可行的做法 最終的真相 一般白色的餐桌鹽經過蒸餾，會移除大部分有害物質或重金屬，相對較安全，所以千萬不要誤解化學加工食鹽的目的！

賀年食品營養百科s.pdf by joylau_ho

預祝大家兔年健健康康，食極唔肥 ！ 又到農曆新年時間，大家都開始預備出去拜年同食開年飯啦 ！ 好多時大家都會問營養師呢樣食唔食得? 嗰樣食唔食得? ，我哋今次總結左一個清單俾大家，等大家可以去到拜年嘅時候可以食得安心又放心啦!

近排好多朋友仔既濕疹同埋蕁麻疹都出返晒嚟，喺做飲食改善嘅時候我哋都會叫佢減少進食小麥主食去幫身體係消炎，但係好多人都擔心會好似冇嘢揀！ 今日總結左一啲可以食既無小麥主食俾大家參考，等大家喺移除小麥嘅時候都冇咁辛苦！ 無小麥主食不等於無麩質 好多人都以為我平時叫人戒小麥製品等同要無麩質飲食。 其實輕微嘅炎症會建議戒走小麥類主食減低對生活既影響，即係執行者仍然可以淺嘗含有小麥嘅食物，唔需要完全移除麩質，但係如果本身對麩質敏感嘅朋友（例如乳糜瀉），就需要執行無麩質飲食。 所以如果大家想改善炎症可以嘗試移走以下含有麩質食物，就唔使樣樣食物都check 有無有麩質啦！ 常見含有麩質食物 -中西食麵包 -麵條 -意大利粉 -蛋糕類和餅乾類甜點 -啤酒、高粱和麥芽特飲 -穀物片、燕麥片

究竟蔬菜生食好定係煮熟好？其實各有好處！今日同大家熟菜同埋生菜嘅營養價值啦！ 生食蔬菜營養價值： 因為維他命C對熱度敏感度較高，容易從添加水分烹煮嘅過程中流失，所以生食蔬菜能保留最多嘅維他命C 對胃部消化不良人士而言，進食過硬嘅蔬菜容易引致胃痛、胃氣脹等問題 生食較難吸收一啲需要經過加熱烹煮才能被釋出嘅營養，例如維生素A、 維生素E、茄紅素等 蔬菜表面嘅泥土含有細菌，若果清洗唔乾淨，容易會引起食物中毒或者腹瀉 生吃可以保留更多蔬菜嘅酵素 酵素對酸鹼度同溫度都比較敏感，所以唔係每種蔬菜嘅酵素都能抵抗胃酸、協助消化食物 煮熟蔬菜營養價值： 豆類蔬菜經加熱烹調後，能破壞其細胞壁，更加容易咀嚼及被人體消化。烹煮過程亦能破壞抗營養因子嘅含量，增加蔬菜嘅營養吸收率 植化素 經過加熱後，食物中嘅Beta-胡蘿蔔素、茄紅素及葉黃素會更容易被人體吸收 例子：番茄、紅蘿蔔、綠葉蔬菜、四季豆、十字花科蔬菜例如西蘭花、椰菜花

又到左新一年，喺度祝大家喺2023年健健康康！ 今日好多WhatsApp問我點解過咗個聖誕之後明明體脂冇上升，但係個人好似發脹咗嘅海綿咁呢？ 其實依個都係好常見嘅節日後遺症！因為喺節日嘅時候我哋食嘅嘢同平時唔同可能會鹹咗啲或者營養高咗，身體就好容易會喺食物同埋我哋平時嘅飲品入邊累積水份去稀釋過多嘅營養！ 對於身體來講，呢個都係一個保護嘅機制。 今日分享一個好簡單嘅去水腫餐單，比大家喺三日內體重重回正軌！ 早上 牛油果啤梨奶昔 – ½個牛油果+½個啤梨+180ml杏仁奶打成奶昔 中午 雞肉藜麥飯 – 煎香80克雞胸肉 – 用電飯煲煮開1杯白藜麥 – 輕炒一碗椰菜 – 下午茶 – 250 mL椰子水 晚上 無敵去水雜錦 1/2 啤梨+1/2 青蘋果+1片檸檬+ 1杯水打果渣 如果唔夠飽，可以再食 1磚煎豆腐、1隻蛋同一碗蔬菜

最主要需要系一個熱風槍，唔系風筒！ 熱風槍喺雞皮表面吹乾雞皮表面，再塗上老抽蜜糖醬料（比例為老抽：蜜糖：水=1:1:1）。 220度焗12分鐘，轉為180度焗25分鐘 最後5分鐘時，再塗多一次蜜糖！ 如果冇熱風槍嘅話，直立掛起原只雞並放喺通風位1小時，都可以做到相同效果。 （至於烤雞醃料了，可以用蒜蓉同意大利調料加少量生抽！）

為了避免進食水果皮上的殘餘農藥和影響口感，多數人都會先去皮才進食水果。但是水果的纖維、抗氧化劑、植化素大多都在果皮裏。所以若果想吸收更多幫助對抗心血管疾病、癌症、便秘和增強免疫力的營養，可以多嘗試連皮吃以下四種水果： 蘋果 蘋果皮內含檞皮素，屬於抗氧化劑，有助對抗自由基降低身體發炎。檞皮素亦有抗敏感和抗癌的功效。 果皮的非水溶性纖維量比果肉多。連皮進食一個中型蘋果，可以攝取約5.5g的纖維，是每日建議攝取量的1/4！ 維他命C 果皮含豐富的維他命C，亦是抗氧化劑的一種，有助皮膚膠原蛋白增生及修復皮膚細胞 蘋果多酚 含兒茶素、花青素、類黃酮等，有助降低膽固醇水平，亦能夠預防皮膚發炎。 葡萄 果皮含白藜蘆醇，亦是紅酒裏能預防心血管疾病的活性成分之一。有研究指出它亦能抑制癌細胞成長 葡萄果籽及皮內含丹寧酸和多酚類如兒茶素、多酸及花青素，這些抗氧化劑的抗氧能力比維他命C和E高數十倍 梨 含礦物質如鉀質、磷、鈣質，比果肉的礦物質含量要高。 含大量多酚類抗氧化劑如花青素，含量比果肉多五至六倍。 含豐富膳食纖維，連皮進食可攝取約5g纖維量。 食物安全小知識： 如何去除生果皮表面上的蠟 蘋果、柑橘類水果和藍莓等表面都會產生天然的果臘，為安全使用的部分。若果擔心連皮進食會一同吸收噴灑在果皮表面的人工蠟，可以先用溫水稍微浸泡水果，溶解蠟質，再用清水洗淨。 果皮最多農藥？ 根據美國食品藥物管理局 (FDA)有關清洗蔬菜的指引，水果只需用流動清水清洗數分鐘，就已經能去除表面大部份的農藥和雜質。 清洗軟身水果例如草莓、藍莓時，可以用小刷子輕刷表面。 如果水果表面有瘀傷或受損，應該先去除這些部分才用清水清洗整個水果。 切勿長時間浸泡水果，否則會令水溶性的農藥被吸收到水果中。

寒流突襲，當然想飲杯暖呼呼嘅熱飲暖一暖身子。但係一不小心，容易誤中高糖陷阱。以下3款飲品你有飲過邊一款？ 熱可可 熱可可飲品主要成分有鮮奶、可可粉、砂糖，個別店家會加入忌廉令口感更順滑。一杯熱可可嘅含糖量可達20克糖，約4茶匙糖份。 Homemade 可可熱飲糖分差4倍？ 以無糖純可可粉代替即沖巧克力粉 以無糖植物奶/脫脂鮮奶取代全脂鮮奶和忌廉 添加香料如肉桂粉、豆蔻等增添風味又唔洗擔心糖量過高 黑糖紅棗茶 「養生」飲品之一嘅紅棗茶一杯含糖量可達15-20克，相當於每日建議攝取量嘅4成。市面出售嘅即沖黑糖茶雖然標榜「古早」、「古法」等字眼，但黑糖都係糖分嘅一種，長期過量攝取都會引致血糖上升。 「真·養生」紅棗茶食譜 只需3種材料，5分鐘就完成 -紅棗5粒 -薑片2塊 -熱水250mL -黑糖1茶匙內 (可不添加) 紅棗內含天然甜味，故此可省卻添加額外糖分 市面有售賣已去核切片嘅紅棗乾，只需用水清洗即可使用 黑糖冬瓜茶 主要成分：冬瓜和蔗糖，有機會添加焦糖色素和糖漿增加顏色和香味 根絕台灣一項有關手搖飲品糖分含量嘅調查顯示，一杯700mL冬瓜檸檬(全糖)含25粒方糖。而且茶飲店或即沖嘅冬瓜茶均以蔗糖為主要材料，因此應避免獨自飲用一杯或減少飲用次數

又到左旅行高峰期，大家都開始準備去唔同嘅目的地，我哋中心統計大概有12%嘅顧客會喺未來嘅時間去唔同嘅目的地xD 咁當然日本係首選啦，但係好多嘅朋友仔都會好擔心去旅行時會中招，其實只要預備好免疫力、出發前打齊疫苗同做好個人衛生，就可以減低感染風險！ 今日教大家三步，等大家去旅行之前可以提升免疫力！ 出發前一星期 補充足夠含有雙歧桿菌嘅益生菌同埋益生元 -大部份嘅免疫力細胞其實都係處於我哋嘅腸胃入邊，只要我哋改善腸胃嘅免疫力就可以提升我哋整體呼吸道免疫力，如果要提升免疫力嘅話一定要揀有雙歧桿菌嘅益生菌，因為好多研究都發現商祺桿菌可以改善腸胃同呼吸道免疫力！ 仲有就係要補充益生元，例如beta葡聚糖，可以激活我哋嘅免疫力細胞令到佢哋更加快咁樣去辨別到病原體！ 補充足夠維他命B群同埋維他命D3 維他命B群係我哋免疫力嘅最基礎維他命，好多時我哋為咗可以去旅行時食多啲嘢，所以去旅行之前都會節食，其實對我哋個免疫力傷害好大！ 因為會令到我哋維他命B群流失，造成一段時間免疫力下降，所以最好嘅方法係去旅行之前7日輕量節食再同時補充足夠維他命B群咁樣免疫力就長時間喺工作狀態！ 維他命D3 就係加強我哋呼吸道免疫力用嘅維他命，因為佢可以激活我哋嘅白血球細胞令到佢哋更加快咁樣可以消滅病原體另外佢可以加快身體呼吸道消炎，有一啲嘅研究話只要身體維他命D嘅濃度比較高，其 感染上呼吸道感染嘅風險係會比其他人低。 去旅行時 去旅行最怕就係便秘，因為宿便重量可以高達4公斤，所以最好嘅方法就係日日有得去廁所，呢個時間可以帶一啲乳酸桿菌含量比較高嘅益生菌去！ 纖維補充劑都好重要因為去旅行嘅時候都好少機會可以食到足夠嘅蔬菜同埋水果所以有足夠嘅纖維可以防止我哋便秘同埋食物喺腸胃發酵引致腸胃脹氣問題，但係要注意每個人嘅腸道益生菌嘅種類都唔同，所以要自己試下邊一隻嘅纖維補充劑適合自己，所以我哋會建議用一啲整合成嘅纖維補充制即係由多種蔬菜同埋水果嘅纖維性等身體有得揀！ 去完旅行 依個時間身體會出現一個嘅免疫力驟降嘅時間，因為身體又要重新適應過香港嘅飲食同天氣加上我哋嘅壓力荷爾蒙轉變，會令免疫力突然之間急降，所以依段一定要補充足夠嘅消炎同埋抗氧化嘅補充劑例如最簡單嘅魚油同埋花青素，可以幫助減低呼吸道嘅炎症，等我哋嘅免疫力細胞可以唞吓！ 不過可能大家已經出發咗去旅行