寒流突襲，當然想飲杯暖呼呼嘅熱飲暖一暖身子。但係一不小心，容易誤中高糖陷阱。以下3款飲品你有飲過邊一款？ 熱可可 熱可可飲品主要成分有鮮奶、可可粉、砂糖，個別店家會加入忌廉令口感更順滑。一杯熱可可嘅含糖量可達20克糖，約4茶匙糖份。 Homemade 可可熱飲糖分差4倍？ 以無糖純可可粉代替即沖巧克力粉 以無糖植物奶/脫脂鮮奶取代全脂鮮奶和忌廉 添加香料如肉桂粉、豆蔻等增添風味又唔洗擔心糖量過高 黑糖紅棗茶 「養生」飲品之一嘅紅棗茶一杯含糖量可達15-20克，相當於每日建議攝取量嘅4成。市面出售嘅即沖黑糖茶雖然標榜「古早」、「古法」等字眼，但黑糖都係糖分嘅一種，長期過量攝取都會引致血糖上升。 「真·養生」紅棗茶食譜 只需3種材料，5分鐘就完成 -紅棗5粒 -薑片2塊 -熱水250mL -黑糖1茶匙內 (可不添加) 紅棗內含天然甜味，故此可省卻添加額外糖分 市面有售賣已去核切片嘅紅棗乾，只需用水清洗即可使用 黑糖冬瓜茶 主要成分：冬瓜和蔗糖，有機會添加焦糖色素和糖漿增加顏色和香味 根絕台灣一項有關手搖飲品糖分含量嘅調查顯示，一杯700mL冬瓜檸檬(全糖)含25粒方糖。而且茶飲店或即沖嘅冬瓜茶均以蔗糖為主要材料，因此應避免獨自飲用一杯或減少飲用次數

又到左旅行高峰期，大家都開始準備去唔同嘅目的地，我哋中心統計大概有12%嘅顧客會喺未來嘅時間去唔同嘅目的地xD 咁當然日本係首選啦，但係好多嘅朋友仔都會好擔心去旅行時會中招，其實只要預備好免疫力、出發前打齊疫苗同做好個人衛生，就可以減低感染風險！ 今日教大家三步，等大家去旅行之前可以提升免疫力！ 出發前一星期 補充足夠含有雙歧桿菌嘅益生菌同埋益生元 -大部份嘅免疫力細胞其實都係處於我哋嘅腸胃入邊，只要我哋改善腸胃嘅免疫力就可以提升我哋整體呼吸道免疫力，如果要提升免疫力嘅話一定要揀有雙歧桿菌嘅益生菌，因為好多研究都發現商祺桿菌可以改善腸胃同呼吸道免疫力！ 仲有就係要補充益生元，例如beta葡聚糖，可以激活我哋嘅免疫力細胞令到佢哋更加快咁樣去辨別到病原體！ 補充足夠維他命B群同埋維他命D3 維他命B群係我哋免疫力嘅最基礎維他命，好多時我哋為咗可以去旅行時食多啲嘢，所以去旅行之前都會節食，其實對我哋個免疫力傷害好大！ 因為會令到我哋維他命B群流失，造成一段時間免疫力下降，所以最好嘅方法係去旅行之前7日輕量節食再同時補充足夠維他命B群咁樣免疫力就長時間喺工作狀態！ 維他命D3 就係加強我哋呼吸道免疫力用嘅維他命，因為佢可以激活我哋嘅白血球細胞令到佢哋更加快咁樣可以消滅病原體另外佢可以加快身體呼吸道消炎，有一啲嘅研究話只要身體維他命D嘅濃度比較高，其 感染上呼吸道感染嘅風險係會比其他人低。 去旅行時 去旅行最怕就係便秘，因為宿便重量可以高達4公斤，所以最好嘅方法就係日日有得去廁所，呢個時間可以帶一啲乳酸桿菌含量比較高嘅益生菌去！ 纖維補充劑都好重要因為去旅行嘅時候都好少機會可以食到足夠嘅蔬菜同埋水果所以有足夠嘅纖維可以防止我哋便秘同埋食物喺腸胃發酵引致腸胃脹氣問題，但係要注意每個人嘅腸道益生菌嘅種類都唔同，所以要自己試下邊一隻嘅纖維補充劑適合自己，所以我哋會建議用一啲整合成嘅纖維補充制即係由多種蔬菜同埋水果嘅纖維性等身體有得揀！ 去完旅行 依個時間身體會出現一個嘅免疫力驟降嘅時間，因為身體又要重新適應過香港嘅飲食同天氣加上我哋嘅壓力荷爾蒙轉變，會令免疫力突然之間急降，所以依段一定要補充足夠嘅消炎同埋抗氧化嘅補充劑例如最簡單嘅魚油同埋花青素，可以幫助減低呼吸道嘅炎症，等我哋嘅免疫力細胞可以唞吓！ 不過可能大家已經出發咗去旅行

上星期分析了唔同煲仔菜嘅澱粉質食材和肉類營養。咁煲仔菜又有咩關於調味和烹調方式嘅健康陷阱？ 陷阱1: 高鈉重口味 唔知大家有冇試過食完煲仔菜後，成晚都覺得口渴，要不停飲水？因為煲仔菜嘅醬汁多為重口味，添加大量蠔油、豉油、雞粉、豆瓣醬、沙爹醬等調味，令鈉含量大大增加。 高鈉飲食會引致血壓上升，因此選擇較低鈉嘅煲仔菜，就可以食得健康又滿足！ 常見高鈉煲仔菜：麻辣雞煲、沙爹肥牛煲、薑蔥魚雲煲 常見較低鈉煲仔菜：海鮮豆腐煲、栗子炆雞煲、椰汁芋頭煲 陷阱2: 烹調方式大不同 雖然都是煲仔菜，但是有煎有炸有炆，哪種比較健康？ 在烹調肉類時，廚師通常會將肉先泡油(即稍微炸過)以保持肉裡嘅水分，味道會更好，但令肉類吸收更多油分，增加脂肪攝取。 所以喺選擇煲仔菜個陣，可以先點上湯浸泡嘅菜式，當中嘅食材多以水燙、炒為主，之後先選擇炆、炒嘅煲仔菜。肉類表面有炸粉嘅多以油炸烹調為主，應盡量少吃。 常見煲仔菜： 薑蔥魚腩煲、魚香茄子煲 常見煲仔菜： 用上湯浸煮嘅菜式如雜菜煲、上湯海鮮豆腐煲等

下個月就係聖誕，今日教大家整一個小食係聖誕派對分享下！ 今日分享係一個勁簡單嘅既非油炸點心麵，佢個味有啲似細細個成日食既點心麵，如果唔想用麵條嘅話，可以用米粉代替，都可以做到相同效果㗎！ 材料 1. 一束上海掛麵 2. 一湯匙蠔油 3. 一茶匙稀少糖 4. 半茶匙鹽 5. 芝麻粒 做法 -上海掛麵用熱水煮開8分鐘，撈起備用。 -於一個大碗中，加入調味料拌勻。 -枱面鋪上一層保鮮紙，將適量掛麵放在中間，向中間捲起。 （務必壓實） -將掛麵卷放入雪櫃雪藏1小時。 -移除保鮮紙，將掛麵卷切成片。 -焗爐或者氣炸鍋預熱180度。 -錫紙噴上少少油，將掛麵卷平均分布。 -表面再噴上少少油。 -氣炸或者烤焗15分鐘，反面再烤8分鐘。 -放涼後可以加入芝麻水或者蒜鹽調味。 營養資料：每粒35kcal

腸道點解被稱為第二個大腦？ – 因為它的神經細胞數目超過一億個，其神經系統的複雜程度僅次於大腦。作為自主神經系統，它能夠釋放神經遞質「血清素」和「多巴胺」來控制腸胃蠕動和消化，除此之外，佢仲有以下功能： 腸道微生態能夠影響免疫系統 – 人體中7成的免疫細胞例如巨噬細胞、T 細胞、製造抗體的B 細胞等都集中在腸道中。腸道裡的益生菌可以修復腸道黏膜細胞，防止腸道惡菌增生，並增強免疫系統 – 不同的飲食會塑造不同的腸道環境，多肉少菜的飲食習慣會促進令細胞發炎的腸道微生物。相反，地中海飲食等注重攝取蔬果、全穀類和發酵食品的飲食習慣，有助腸道益生菌的生長，防止腸道細胞發炎和受損 一緊張就胃痛和腸胃不適？是腸道神經搞的鬼！ – 腸道的自律神經系統失調，會令胃部和腸道不正常地蠕動，產生腹痛或想排便、甚至肚瀉的情況 – 飲食上多攝取含維他命B群的食物如全穀類、白肉類，減少進食鈉含量高的醃製食物，可以減少對交感神經的刺激，緩和情緒，減少腸胃不適的症狀 情緒起伏跟腸道神經系統息息相關 – 腸道負責製造人體中九成的血清素。血清素是「快樂荷爾蒙」，會使人感到幸福愉快，亦有助睡眠。血清素過低會使人容易感到情緒低落、抑鬱和失眠。 – 飲食：多補充含色胺酸的食物，例如果仁、雞肉、雞蛋，幫助製造血清素

上次同大家講咗有啲乜嘢蔬菜容易引致腸胃氣脹氣，大家都好踴躍問我幾時出埋水果編， 今日總結埋容易產氣水果俾大家睇！ 氣從那來？ 回顧一下，當我哋食咗一啲嘅蔬菜或者水果佢入邊嘅FODMAP 含量過高，令到佢哋喺我哋腸胃入邊發酵後引致有大量氣體形成！ 什麼是FODMAP FODMAP(Fermentable Oligosaccharides Disaccharides Monosaccharides And Polyols／可發酵性的寡糖、雙糖、單糖以及多元醇) 指一啲無法被小腸分解和吸收的短鏈碳水化合物及糖醇(FODMAP)，以上短鏈碳水化合物及糖醇會在腸中吸收水份，造成腹瀉，有啲會被細菌發酵產生大量氣體，便成腹脹同腹痛！ 大家下次去買水果時可以多留意啦

呢排天氣開始轉涼，煲仔菜成為暖身嘅不二之選。選擇煲仔菜嘅時候，應該如何平衡各種營養素嘅攝取？有什麼高脂肪、高鈉嘅菜式要避免？ 陷阱1: 澱粉質攝取太高 加入芋頭、南瓜、栗子、粉絲可以增加口感及飽腹感，但如果配白飯一同進食就會容易攝取過多碳水化合物，所以如果煲仔菜入面有澱粉質蔬菜或者雜糧時，就要減少米飯攝取！ 10粒栗子 =1碗飯 100克(大半碗)南瓜= 1/4碗飯 1碗芋頭=2/3碗白飯 1紮粉絲=半碗白飯 粉絲屬高升糖澱粉，而且較難消化，以白飯為主要澱粉質，粉絲為少量澱粉質補充較好 常見陷阱：栗子雞煲、南瓜芋頭排骨煲、節瓜粉絲煲 避雷方法：菜海鮮粉絲煲、醉雞煲 陷阱2: 高脂肉類 每100克臘味(例如臘腸、潤腸)嘅脂肪含量達30-40克，相當於接近7-9茶匙嘅油。吃一條臘腸(約重30克)已經攝取至少10克脂肪。每次進食不超過一條或與其他人分享較好 油香越重，脂肪含量越多 豬腩肉、肥牛等都係高脂肪肉類。一啲近骨肉類如排骨、羊腩、牛腩都係高脂食物。 常見陷阱：梅菜扣肉、沙爹金菇肥牛煲、南瓜排骨煲、枝竹羊腩煲 避雷方法：以白肉如海鮮、雞肉為主嘅煲仔菜脂肪含量通常較低。 想知道煲仔菜嘅調味及烹調方式點影響鈉及脂肪攝取，就要留意下星期嘅文章！

上星期去食韓國嘢嘅時候，有一個嘅雞鎚好好食，但係佢醬料太多，清潔起上嚟都好麻煩，嗰時喺度諗有冇辦法可以整到一個一啖食到嘅雞鎚呢！ 上網搵咗一啲嘅做法，原來可以將雞鎚入邊嘅骨換成薯仔，咁樣嘅話就可以一啖食晒成哥雞鎚唔使𦧲骨！ 今日教大家整一個唔使𦧲骨嘅雞鎚 材料 四隻雞鎚 一個中型馬鈴薯 調味料為 1-2湯匙蜜糖 一湯匙生抽 一湯匙蒜蓉 三湯匙水 做法 焗爐預熱190度 雞鎚解凍 用鉸剪將骨頭同埋雞肉分離 加入調味料醃大概30分鐘 馬鈴薯洗乾淨㓟皮並切成骨頭長度 將馬鈴薯條插入雞鎚中 直立放入焗爐中烤焗30至到35分鐘 烤焗到大概20分鐘時，將少量蜜糖同埋老抽用掃塗在雞鎚表面。 （比例為：½個湯匙蜜糖加½個湯匙老抽再加一個湯匙水） 時間到就可以拿出來 小提醒，可以用錫紙整一個杯固定雞鎚，防止加熱時塌下。

[你又中左幾多個「高卡高脂」嘅伏？] 最近天氣越來越冷，煲仔菜成為暖身的不二之選，選擇煲仔菜的時候應該如何平衡各種營養素的攝取？有什麼高脂肪、高鈉的菜式要避免？   陷阱1: 澱粉質攝取太高😱   ⚠️加入芋頭、南瓜、栗子、粉絲可以增加口感和飽腹感，但如果配白飯一同進食就會容易攝取過多碳水化合物，所以如果煲仔菜裡有澱粉質蔬菜或者雜糧時，就要減少米飯攝取！   ⚠️10粒栗子 =1碗飯🫣 100克(大半碗)南瓜🎃= 1/4碗飯 1碗芋頭=2/3碗白飯 1紮粉絲=半碗白飯 🚨粉絲屬高升糖澱粉，而且較難消化，以白飯為主要澱粉質，粉絲為少量澱粉質補充較好🌟   🍴常見煲仔菜：栗子雞煲🐓、南瓜芋頭排骨煲、節瓜粉絲煲   陷阱2: 高脂肉類 ⚠️每100克臘味(例如臘腸、潤腸)的脂肪含量達30-40克，相當於接近7-9茶匙的油。吃一條臘腸(約重30克)已經攝取至少10克脂肪。每次進食不超過一條或與其他人分享較好。   ⚠️油香越重，脂肪含量越多 豬腩肉、肥牛等都是高脂肪肉類。一些近骨肉類如排骨、羊腩、牛腩都是高脂食物。   🚫🍴常見煲仔菜：梅菜扣肉、沙爹金菇肥牛煲、南瓜排骨煲、枝竹羊腩煲   ✅以白肉如海鮮、雞肉為主的煲仔菜脂肪含量通常較低。   ✅🍴 常見煲仔菜：雜菜海鮮粉絲煲、醉雞煲   😉想知道煲仔菜的調味和烹調方式怎樣影響鈉和脂肪攝取，就要留意下星期的文章！  

依個星期真係凍咗好多，我都要開始着大褸啦！ 近排好多朋友都WhatsApp我同我哋報告，佢哋開始出現皮膚敏感、氣管敏感、咳嗽同埋出蕁麻疹！ 原來轉天氣嘅時候我哋個免疫力係會短暫出現一啲免疫力低下問題原因係： 低溫加上乾燥天氣會容易令到呼吸道黏膜變得單薄，令到病原體更加容易攻擊我哋，如果你有敏感體質嘅話會令到致敏源更加容易觸發氣管敏感！ 教大家幾個方法可以喺轉天氣嘅時候提升一下免疫力預防敏感 1.補充足夠水份 水份可以幫助提升身體免疫力細胞活性、幫助帶走水溶性毒素同埋可以防止身體黏膜變得乾燥。毒素累積少咗自然冇咁容易出現敏感啦！ 補水貼士：-每1小時最少飲到250毫升水份直到2-2.2L 2.記得食飯 天氣開始轉冷嘅時候，我都會同大家講就係夜晚未必需要跟特殊餐，因為天氣溫度驟降嘅話，身體需要更加多嘅能量去維持體溫、如果我哋食唔夠澱粉質，我哋嘅免疫力就好難再維持，所以大家唔使怕會影響體重管理，可以補充適量嘅澱粉質！ 食飯貼士：平時如果跟緊體重管理餐單，夜晚不妨加半碗白飯配合80至到150克豬肉補充鐵質，可以維持夜間免疫力。 3. 維他命D 補多D 開始步入冬季，我哋接觸陽光時間會慢慢減少，維他命D除咗幫助我哋提升骨骼密度之餘，佢仲可以幫助我哋提升呼吸道免疫力，佢可以促進我哋免疫力細胞更加快咁樣去搵到病原體如果平時大家唔可以曬太多陽光嘅話，可以嘗試喺餐單底下加入多少少三文魚、大啡菇、芝士、牛奶同埋豬肉 4.每日一個啤梨或者紅蘋果 好多人去到冬天就唔想食水果，因為怕凍，但係其實有足夠嘅水溶性纖維可以幫助到我哋降低腸胃嘅毒素，除咗蘋果以外, 啤梨你都係一個高水溶性纖維嘅水果，可以幫助身體移除腸胃毒素！ 水果貼士：晚餐前完成所有水果進食，因為轉季嘅時候好容易出現胃酸倒流，所以晚餐之後再食水果會加劇胃酸倒流情況！